Wi-Fi a Thrwydded Deledu

Dylai preswylwyr Campws y Bae gysylltu â rhwydwaith Wi-Fi Glide yn eu llety.

1. Sganiwch am y rhwydweithiau Wi-Fi sydd ar gael a chysylltu â'r rhwydwaith Glide_Signup.
2. Agorwch eich porwr gwe a byddwch chi'n cael eich ailgyfeirio i sgrîn groeso Glide.
3. O dan 'Just moved in?', pwyswch ar Register.
4. Cwblhewch yr holl feysydd a gwasgwch ar Register.
5. Os ydych chi wedi cofrestru'n llwyddiannus, dangosir sgrîn gadarnhau gan gynnwys eich allweddair rhwydwaith unigryw.
6. Pwyswch yr eicon copïo a dychwelyd i osodiadau rhwydwaith Wi-Fi eich dyfais.
7. Anghofiwch y rhwydwaith Wi-Fi Glide_Signup a chysylltu â'r rhwydwaith Wi-Fi Glide-Resident yn lle hynny.
8. Gludwch eich allweddair rhwydwaith pan ofynnir i chi wneud hynny, a gwasgwch Continue.

• Ar ôl cysylltu, gallwch fynd ar-lein.
• Gallwch ddefnyddio'r un allweddair i ychwanegu rhagor o ddyfeisiau at eich rhwydwaith personol, preifat.
• Gwnewch yn siŵr eich bod chi'n cadw'ch allweddair yn ddiogel. Bydd hwn hefyd yn cael ei anfon atoch drwy e-bost a neges destun er hwylustod i chi.

Mynediad i ymwelwyr

• Sganiwch am y rhwydweithiau Wi-Fi sydd ar gael a chysylltu â'r rhwydwaith Glide_Signup.
• Agorwch eich porwr gwe a byddwch chi'n cael eich ailgyfeirio i sgrîn groeso Glide.
• Pwyswch ar Visitor access.
• Rhowch eich enw a'ch cyfeiriad e-bost a gwasgwch ar Connect.
• Bydd hyn yn rhoi mynediad i chi am 24 awr; ar ôl hyn, bydd angen i chi ail-gofrestru.

Angen cymorth?

• Ffoniwch: 0333 123 0115
• E-bostiwch: studentsupport@glide.co.uk

Mewn lleoliadau eraill ar y campws, dylech chi gysylltu â'r rhwydwaith eduroam, gan ddilyn y cyfarwyddiadau yma.

Eduroam yw Rhwydwaith Di-wifr (Wifi) y Brifysgol, ac mae ar gael ar ystod eang o ddyfeisiau.

Dylid defnyddio Eduroam ar gyfer pob cysylltiad ac eithrio dyfeisiau chwarae gemau cyfrifiadur a dyfeisiau’r rhyngrwyd pethau (defnyddiwch SwanseaUni-Play ar gyfer y rheiny yn lle).

Mae'n ofynnol i bob defnyddiwr gofrestru pob dyfais er mwyn defnyddio'r rhwydwaith. Cysylltwch â rhwydwaith SwanseaUni-Setup i ddechrau arni.
Darllenwch gyfarwyddiadau cam wrth gam yma.

Eich enw defnyddiwr yw eich cyfeiriad e-bost Prifysgol arferol (sy'n gorffen gydag @abertawe.ac.uk).Dylai cyfrinair dros dro fod wedi cael ei anfon atoch mewn e-bost cyn i chi gofrestru. Dysgwch ragor am gael mynediad at eich cyfrif Prifysgol yma.

Os ydych chi'n profi anawsterau technegol, cyflwynwch docyn cymorth drwy'r Ddesg Wasanaeth TG neu e-bostiwch ITservicedesk@abertawe.ac.uk.

• I gysylltu â'r WiFi, ymunwch â rhwydwaith true student.

• Cyflymder y cysylltedd diwifr yw hyd at 50Mbp y ddyfais, a hyd at 100Mbp ar gyfer cysylltedd gwifredig.

• Er mwyn sicrhau nad oes dyfeisiau anweithredol wedi'u cysylltu â'r rhwydwaith, bydd y system yn gofyn i chi ailgysylltu bob 30 niwrnod.

• Os oes angen help arnoch i gysylltu dyfais, cysylltwch â'r tîm am gymorth.