1. Cartref i Fyfyrwyr Presennol
  2. Bywyd Academaidd
  3. Fy Amserlen
  4. Sut mae eich amserlen yn cael ei chreu

Sut mae eich amserlen yn cael ei chreu

An array of images of students studying.

Y tu ôl i bob amserlen y mae darlun ehangach.

Video

Hoffech chi weld sut rydym yn trefnu 22,000 o amserlenni unigryw.

Ydych chi erioed wedi gofyn i chi’ch hun sut mae eich amserlen yn y Brifysgol yn dod ynghyd? 

Efallai ei fod yn teimlo mai hud a lledrith sy'n gyfrifol am greu'r amserlenni, ond y tu ôl i'r llenni, mae'n jig-so mawr - ac nid yw dod â’r darnau ynghyd yn dasg hawdd o gwbl. 

Mae angen ystyried llawer wrth ddylunio eich amserlen. Dyma bimp ffactor unigryw i’w hystyried wrth greu amserlenni pawb ym Mhrifysgol Abertawe.

  1. Pobl
  2. Adeiladau
  3. Oriau
  4. Anghenion Hygyrchedd
  5. Newidiadau i faint dosbarthiadau

Gall amserlenni newid hyd at, ac cynnwys wythnosau cyntaf pob semester. Gall sawl rheswm fod yn gyfrifol am hyn, ond y prif reswm yw er mwyn cydbwyso maint grwpiau seminar neu oherwydd bod dewisiadau modiwlau'n newid, sy'n effeithio ar faint dosbarthiadau.

Oes gennych gwestiynau am eich amserlen o hyd? Ewch i'n tudalen Cwestiynau Cyffredin yma.

Pobl

Yn ein prifysgol, mae gennym oddeutu 20,000 o fyfyrwyr dros 2,000 o staff academaidd a 10au o dechnegwyr.

Mae hynny'n fwy na 22,000 o amserlenni unigryw i'w rheoli, bob semester bob blwyddyn.

Adeiladau

Yn ogystal â hyn, rydym hefyd yn gweithio ar draws tri champws sydd â thros 350 o fannau addysgu - ac mae gan bob campws ei adeiladau, ei ystafelloedd dosbarth a’i labordai arbenigol unigryw. Mae angen mannau mwy o faint ar rai darlithoedd, tra mae angen offer arbenigol ar rai eraill – mae’n rhaid i ni sicrhau bod yr anghenion hyn yn cael eu diwallu i’r dim.

Oriau

Elfen arall i'w hystyried yw'r oriau. Mae oriau addysgu rhwng 9am a 6pm, ond nid yw pob darlithydd neu fyfyriwr ar gael ar yr un pryd. Os na all un myfyriwr fynychu'r sesiwn, byddai angen i ni ddod o hyd i amser a lleoliad newydd.

Anghenion Hygyrchedd

Rydym hefyd yn blaenoriaethu hygyrchedd i fyfyrwyr a staff. P'un a yw hynny'n sicrhau mynediad i gadeiriau olwyn neu ddiwallu anghenion eraill, mae angen i ni ddod o hyd i ystafell sy'n addas i bawb. Mae'n rhaid i'r holl elfennau hyn gael eu cynnwys yn y jig-so.

Newidiadau i faint dosbarthiadau

Pan fyddwn ni'n meddwl bod yr amserlen wedi cael ei chwblhau, gall rhywbeth newid. Gallwn ni ddefnyddio Clirio neu ddewis modiwlau fel enghreifftiau. Pan fydd myfyrwyr newydd yn ymuno neu pan fyddwch chi’n dewis eich modiwlau, gall maint dosbarthiadau gynyddu. Mae dosbarthiadau mwy yn golygu efallai y bydd angen ystafelloedd mwy o faint arnom - sy'n effeithio ar yr amserlen gyfan, dyna pam gallai eich amserlen newid ar ôl iddi gael ei rhyddhau.

Amserlenni Bloc yn erbyn Addysgu wedi'i wasgaru

Rydym hefyd yn gwybod y byddai rhai myfyrwyr yn ffafrio amserlenni addysgu mewn bloc, tra byddai eraill yn ffafrio amserlenni lle mae'r addysgu wedi ei wasgaru ar draws yr amserlen. Ond gyda 22,000 o amserlenni i'w rheoli a newidiadau'n digwydd drwy'r amser cyn i'r tymor ddechrau, nid yw hyn yn bosib. Mae pob addasiad yn ein helpu ni i greu amserlen gryfach sy'n gweithio ar gyfer cynifer o bobl â phosib.

Felly, cofiwch gadw hyn mewn cof pan fyddwch chi’n edrych ar eich amserlen neu pan fydd newidiadau'n cael eu gwneud i'ch amserlen. Rydym yn gwybod nad yw newidiadau bob amser yn hawdd ac rydym yn diolch i chi am eich dealltwriaeth. Cofiwch – mae’n fwy nag amserlen; y tu ôl i bob amserlen y mae darlun ehangach.