Graddau Meistr Ôl-raddedig a Addysgir Safonol

1.     Cyflwyniad

Bydd y rheoliadau hyn yn ddilys ar gyfer rhaglenni sy’n arwain at ddyfarnu’r graddau Meistr Safonol canlynol: MA, MSc, LLM.

1.1

Caiff Gradd Meistr, Diploma Ôl-raddedig, neu Dystysgrif Ôl-raddedig eu dyfarnu i fyfyrwyr sydd wedi dangos:

• Dealltwriaeth systematig o wybodaeth, ac ymwybyddiaeth feirniadol o broblemau cyfredol a/neu fewnwelediadau newydd, sydd i raddau helaeth ar flaen y gad yn y ddisgyblaeth academaidd, y maes astudio neu’r maes arfer proffesiynol dan sylw neu'n cael eu goleuo gan waith ar flaen y gad.
• Dealltwriaeth gynhwysfawr o'r technegau sy'n berthnasol i'w hymchwil eu hunain neu i ysgolheictod uwch.
• Gwreiddioldeb wrth gymhwyso gwybodaeth, ynghyd â dealltwriaeth ymarferol o sut y defnyddir technegau ymchwil ac ymholi i greu a dehongli gwybodaeth o fewn y ddisgyblaeth.
• Dealltwriaeth gysyniadol sy'n galluogi'r myfyriwr:
  • I werthuso ymchwil cyfredol ac ysgolheictod uwch yn feirniadol o fewn y ddisgyblaeth;
  • I werthuso methodolegau a datblygu beirniadaeth ohonynt, a lle bo'n briodol, gynnig damcaniaethau newydd

Yn nodweddiadol, bydd deiliaid y cymhwyster yn gallu gwneud y pethau canlynol:

• Ymdrin â materion cymhleth yn systematig ac yn greadigol, gwneud penderfyniadau doeth yn absenoldeb data cyflawn, a mynegi casgliadau yn glir i gynulleidfaoedd arbenigol a lleyg.
• Dangos hunangyfeirio a gwreiddioldeb wrth ymdrin â phroblemau a'u datrys, a gweithio'n annibynnol i gynllunio a chynnal tasgau ar lefel broffesiynol neu gyfatebol.
• Parhau i ddatblygu eu gwybodaeth a'u dealltwriaeth, a datblygu sgiliau newydd i lefel uchel.

A bydd gan y deiliaid:

• Y nodweddion a'r sgiliau trosglwyddadwy angenrheidiol ar gyfer cyflogaeth sy'n gofyn am:
  • Arfer menter a chyfrifoldeb personol;
  • Gwneud penderfyniadau mewn sefyllfaoedd cymhleth nad oes modd eu darogan;
  • Y gallu i ddysgu’n annibynnol sy’n ofynnol er mwyn sicrhau datblygu proffesiynol parhaus.

2.1

Mae strwythur rhaglenni Graddau Meistr Safonol fel a ganlyn:

Rhaglen astudio amser llawn neu ran-amser sy'n cynnwys modiwlau gwerth cyfanswm o 180 credyd, gyda 120 credyd o fodiwlau a addysgir yn Rhan Un, a 60 credyd o ddysgu annibynnol dan gyfarwyddyd yn Rhan Dau.

2.2

Ni chaiff ymgeiswyr astudio ar gyfer mwy na 120 credyd yn Rhan Un.

2.3

Yn achos ymgeiswyr amser llawn, cwblheir Rhan Un, fel arfer, yn y 9 mis cyntaf, a bydd yr ymgeiswyr yn ymgymryd â Rhan Dau ym misoedd 9 tan 12. Yn achos ymgeiswyr rhan amser, cwblheir Rhan Un, fel arfer, dros gyfnod o 24 mis, a bydd yr ymgeiswyr yn ymgymryd â Rhan Dau yn ystod y drydedd flwyddyn astudio.

Bydd angen i fyfyrwyr sy'n dymuno cwblhau'r MSc Nyrsio Iechyd Cyhoeddus Cymunedol Arbenigol mewn Ymweliadau Iechyd neu mewn Nyrsio Ysgol a'r Cymhwyster Ymarfer Arbenigol Astudiaethau Iechyd Cymunedol mewn Nyrsio Ardal yn gyntaf gwblhau'r dyfarniad Diploma Ôl-raddedig (PGDip) mewn Nyrsio Iechyd Cyhoeddus Cymunedol Arbenigol mewn Ymweliadau Iechyd neu mewn Nyrsio Ysgolion neu'r Cymhwyster Ymarfer Arbenigol Astudiaethau Iechyd Cymunedol mewn Nyrsio Ardal yn llwyddiannus. Bydd myfyrwyr sy'n ennill PGDip yn gymwys i symud ymlaen i'r dyfarniad MSc gan ddefnyddio'r broses drosglwyddo fewnol. Ni fydd yn ofynnol i fyfyrwyr ddychwelyd eu dyfarniad PGDip gan ei fod yn ofynnol ar gyfer cofrestru gyda'r Cyngor Nyrsio a Bydwreigiaeth.

Bydd gan y myfyrwyr rhan-amser hynny sydd wedi'u cofrestru ar yr MSc Nyrsio Iechyd Cyhoeddus Cymunedol Arbenigol mewn Ymweliadau Iechyd neu mewn Nyrsio Ysgolion a'r Cymhwyster Ymarfer Arbenigol Astudiaethau Iechyd Cymunedol mewn Nyrsio Ardal ymgeisyddiaeth ychwanegol a fydd yn para dwy flynedd.

2.4

Pennir deilliannau dysgu ar gyfer pob rhaglen gradd Meistr ac unrhyw raglen y bwriedir iddi ddarparu cymhwyster canolradd neu gymhwyster wrth gefn. 

2.5

Caiff rhai rhaglenni penodol eu strwythuro mewn modd sy'n golygu bod yn rhaid i ymgeiswyr wneud ymarfer proffesiynol a lleoliadau. Os bydd cymhwysedd proffesiynol ymgeiswyr yn cael ei asesu ar ôl cyfnod o ymarfer proffesiynol neu brofiad gwaith, rhaid rhoi credydau i’r canlyniad.

3.1

Bydd modiwlau a addysgir yn cael eu cwblhau yn ôl yr amserlen a bennir gan y Gyfadran/Ysgol perthnasol, a bydd asesiadau’n cael eu cwblhau erbyn y dyddiadau a bennir gan y Cyfadrannau/Ysgolion. Caiff y rhaglen radd gyfan ei chwblhau o fewn y terfynau amser canlynol o ddyddiad y cofrestru gwreiddiol:

* Darllenwch y Canllawiau ar Derfynau Amser i gael rhagor o wybodaeth.  

3.2

Fel arfer, rhaid i ymgeiswyr gwblhau Rhan Un erbyn y dyddiadau cau canlynol oni bai fod y Bwrdd Rheoliadau, Ansawdd a Safonau perthnasol yn cymeradwyo amserlen amgen ar gyfer rhaglen benodol:

Ymgeiswyr amser llawn 1 flwyddyn: Diwedd y 9fed mis, neu, os bydd yn sefyll arholiadau atodol, erbyn 12fed mis eu hymgeisyddiaeth.

Ymgeiswyr rhan-amser: Diwedd y 9fed mis neu'r 12fed mis o ail neu drydedd flwyddyn eu hymgeisyddiaeth. Ar gyfer myfyrwyr rhan-amser sydd wedi'u cofrestru ar gyfer MSc Cymwysterau Nyrsio Iechyd Cyhoeddus Cymunedol Arbenigol ac Ymarfer Arbenigol Astudiaethau Iechyd Cymunedol, bydd hyn fel arfer yn ystod trydedd neu bedwaredd flwyddyn yr ymgeisyddiaeth.

3.3

Ni fydd ymgeisydd sy’n methu cwblhau Rhan Un cyn pen y cyfnod a bennwyd yn cael symud ymlaen i Ran Dau'r rhaglen, oni bai fod pwyllgor priodol y Brifysgol wedi cytuno estyniad (a awdurdodwyd yn ffurfiol) i’r cyfnod ar gyfer cwblhau Rhan Un. Heb estyniad a awdurdodwyd, bydd yr ymgeisydd yn gymwys i ennill y cymhwyster ymadael perthnasol yn unig. Dylid nodi na fydd estyniad o’r fath yn ymestyn cyfnod astudio’r rhaglen gyfan yn awtomatig.

4.1

Rhaid gwneud ceisiadau am estyniad i’r dyddiad cau ar gyfer cyflwyno’r darn neu ddarnau o ddysgu annibynnol dan gyfarwyddyd yn unol â rheoliadau’r Brifysgol, a rhaid cyflwyno’r ceisiadau hynny drwy law goruchwyliwr yr ymgeisydd i’r Gwasanaethau Addysg yn unol â’r dyddiadau cau a bennwyd. Gall y Cadeirydd roi ystyriaeth weithredol i unrhyw geisiadau a ddaw i law ar ôl y cyfarfod.

5.1

Y patrwm addysgu ar gyfer y rhan fwyaf o raglenni amser llawn fydd 3 semester.

5.2

Gall Cyfadrannau/Ysgolion fabwysiadu patrwm asesu gwahanol a fydd yn cael ei amlinellu yn llawlyfr y Gyfadran/Ysgol.

6.1

Bydd yn ofynnol i ymgeiswyr gwblhau’r rhaglen astudio yn unol â’r rheoliadau dyfarnu credydau, fel y’u cyhoeddir yn y ddogfen Rheoliadau Asesu ar gyfer Dyfarniadau Ôl-raddedig a Addysgir.

6.2

Y marc llwyddo ar gyfer modiwl fydd 50%.

6.3

Rhaid i ymgeiswyr basio Rhan Un y rhaglen astudio’n llwyddiannus cyn y caniateir iddynt symud ymlaen i Ran Dau. 

Bydd y dysgu annibynnol dan gyfarwyddyd, neu'r dull asesu amgen a gymeradwywyd, yn ymgorffori dulliau a chanlyniadau prosiect ymchwil. 

6.4

Rhaid i ymgeisydd gwblhau dwy ran y rhaglen yn llwyddiannus cyn y gall fod yn gymwys i ennill gradd. 

7.1

Gall ymgeisydd a gaiff ei dderbyn i raglen gradd Meistr, ond nad yw’n medru, neu nad yw’n cael, symud ymlaen i’w chwblhau, gymhwyso ar gyfer un o’r dyfarniadau a ganlyn gan y Brifysgol, yn dibynnu ar nifer y credydau a enillodd erbyn iddo ymadael:

*Gall rhaglenni fabwysiadu rheoliadau llymach ar gyfer gwneud yn iawn am fethiant oherwydd gofynion Cyrff Proffesiynol/Noddi.

Ni chaniateir digolledu ar gyfer yr MSc Nyrsio Iechyd Cyhoeddus Cymunedol Arbenigol (Ymweliadau Iechyd/Nyrsio Ysgolion) na'r MSc Astudiaethau Iechyd Cymunedol, y Cymhwyster Ymarfer Arbenigol mewn Nyrsio Ardal. Mae pob modiwl yn fodiwl craidd ac mae'n ofynnol i fyfyrwyr basio'r holl gydrannau asesu. 

7.2

Ni fydd Tystysgrif Ôl-raddedig mewn pwnc a enwir yn cael ei dyfarnu ar ôl i ymgeisydd gwblhau modiwlau sy’n cynnig o leiaf 60 credyd ar lefel 7 oni bai fod cyfanswm y modiwlau perthnasol yn gwneud rhaglen gymeradwy. Bwrdd Dyfarnu/Bwrdd Cynnydd perthnasol Prifysgol Abertawe fydd yn cymeradwyo rhaglen dystysgrif dan y rheoliad hwn.

8.1

Cwblheir pob ymgeisyddiaeth trwy gyflwyno darn neu ddarnau o ddysgu annibynnol dan gyfarwyddyd, a chymeradwyo'r fath waith gan yr arholwyr.

8.2

Caiff ymgeiswyr ddechrau gwaith rhagarweiniol ar y dysgu annibynnol dan gyfarwyddyd yn ystod Rhan Un y rhaglen, ond ni chânt gyflwyno'r gwaith tan ar ôl iddynt lwyddo yn Rhan Un.

Ni fydd myfyrwyr sy'n bwriadu trosglwyddo o'r PGDip i'r MSc Nyrsio Iechyd Cyhoeddus Cymunedol Arbenigol (Ymweliadau Iechyd/Nyrsio Ysgolion) neu'r MSc Astudiaethau Iechyd Cymunedol, Cymhwyster Ymarfer Arbenigol mewn Nyrsio Ardal yn gymwys i gyflwyno nes eu bod wedi cofrestru ar gyfer y rhaglen MSc.

9.1

Ar gyfer pob ymgeisyddiaeth, bydd y Gyfadran/Ysgol yn cymeradwyo un goruchwyliwr.

9.2

Caiff ymgeiswyr eu goruchwylio'n unol â'r Polisi Goruchwylio ar gyfer Myfyrwyr Ôl-raddedig a Addysgir, a gyhoeddir yng Nghod Ymarfer y Brifysgol.

10.1

Dylai cynigion fod yn ymarferol o ran amserlen ac o ran yr adnoddau sydd ar gael, a dylid penodi goruchwylwyr ag arbenigedd addas ar eu cyfer.

10.2

Dylid caniatáu digon o amser i oruchwylwyr gyflawni eu dyletswyddau, yn enwedig os ceir nifer fawr o ymgeiswyr.

10.3

Dylid dilyn arweiniad y Cyngor Ymchwil, pan fo hynny’n briodol, ynghylch y cyfleusterau a ddylai fod ar gael (man astudio, llyfrgell, amgylchedd ymchwil priodol, ac ati).

10.4

Dylid cyhoeddi canllawiau ysgrifenedig ynghylch presenoldeb/cyfranogiad, fframweithiau ar gyfer cyfarfodydd a disgwyliadau cyffredinol, yn unol â’r Polisi Goruchwylio ar gyfer Myfyrwyr Ôl-raddedig a Addysgir.

10.5

Caiff y modd y gweithredir yr holl ganllawiau hynny eu gweithredu ei fonitro'n rheolaidd.

10.6

Os bydd angen cymorth ychwanegol ar ymgeiswyr gyda’u sgiliau iaith, dylid darparu’r cymorth hwnnw fel gwasanaeth sydd ar wahân i ddyletswyddau’r goruchwyliwr.

10.7

Dylai fod system ar waith sy’n galluogi ymgeisydd i ofyn am oruchwyliwr gwahanol, ac sy’n sicrhau bod aelod gwahanol o staff ar gael pe bai unrhyw oruchwyliwr yn absennol am gyfnod hir.

10.8

Dylai nifer yr ymgeiswyr y mae goruchwyliwr yn eu goruchwylio fod yn ddigon isel i’w alluogi i gyflawni’r cyfrifoldebau a nodir yn adran 11.

11.1

Dylid rhoi cyngor ac arweiniad i’r ymgeisydd gan geisio hwyluso’r broses o gynhyrchu darn o waith sydd o’r safon ofynnol ar gyfer gradd Meistr a Addysgir.

11.2

Dylai’r cynnig fod o fewn maes arbenigedd y goruchwyliwr, dylid diffinio’r testun a ddewisir mewn ymgynghoriad â’r ymgeisydd, a dylai’r testun gael ei gymeradwyo gan y Gyfadran/Ysgol.

11.3

Dylai fod modd cwblhau’r gwaith a gynigir o fewn y cyfnod a bennir.

11.4

Dylid cytuno ar amserlen ar gyfer cyflwyno gwaith yn unol â dyddiadau cau’r Brifysgol.

11.5

Dylid cynnal o leiaf tri chyfarfod yn unol â'r Polisi Goruchwylio ar gyfer Myfyrwyr Meistr Ôl-raddedig a Addysgir.

11.6

Dylid cytuno cofnod o bob cyfarfod o'r fath gyda'r myfyriwr, gan gynnwys dyddiadau, camau gweithredu a gytunwyd, a dyddiadau cau a bennwyd. Dylai'r myfyriwr gadw'r cofnod a'i gyflwyno i'r Gyfadran/Ysgol wrth gyflwyno'r gwaith.

11.7

Dylai gwaith gael ei ddychwelyd yn unol â’r dyddiadau cau a nodwyd, a dylid rhoi sylwadau adeiladol arno.

11.8

Dylid rhoi sesiwn Adborth i unrhyw fyfyriwr sy’n methu, ac sy'n cael caniatâd y Bwrdd Dilyniant a Dyfarnu i ailgyflwyno’r gwaith.

12.1

Yn anad dim, dylai’r gwaith a gynhyrchir fod yn waith yr ymgeisydd ei hun, er ei fod wedi’i gyflawni â chyngor ac arweiniad gan y goruchwyliwr.

12.2

Disgwylir i ymgeiswyr amser llawn fod yn bresennol yn Abertawe yn ystod Rhan Dau'r rhaglen (gweler pwynt 1.3 o'r Polisi Goruchwylio ar gyfer Myfyrwyr Meistr Ôl-raddedig a Addysgir Prifysgol Abertawe). 

12.3

Dylid cytuno ar amserlen ar gyfer cyflwyno gwaith yn unol â dyddiadau cau’r Brifysgol.

12.4

Dylid mynychu o leiaf tri chyfarfod yn unol â'r Polisi Goruchwylio ar gyfer Myfyrwyr Meistr Ôl-raddedig a Addysgir.

12.5

Dylid cadw cofnod gofalus o bob cyfarfod ffurfiol, a fydd yn cynnwys dyddiadau, y camau gweithredu y cytunwyd arnynt a’r dyddiadau cau a bennwyd, a dylai’r goruchwyliwr a’r ymgeisydd gytuno'r cofnod hwnnw. Yn unol â’r Polisi Goruchwylio ar gyfer Myfyrwyr Meistr Ôl-raddedig a Addysgir, dylid cyflwyno copi o’r cofnod hwn i’r Gyfadran/Ysgol pan gaiff y gwaith ei gyflwyno.

12.6

Dylid cysylltu â’r goruchwylwyr os tybir bod cyfarfodydd ychwanegol yn angenrheidiol.

12.7

Dylid cwblhau’r gwaith o fewn y fframwaith y cytunwyd arno, a dylid ysgrifennu cyn gynted ag y bo modd at y goruchwyliwr i’w hysbysu am unrhyw broblem sy’n ymwneud â chyflwyno gwaith yn hwyr (neu gyflwyno gwaith anfoddhaol).

13.1

Bydd gan bob Bwrdd Arholi ar gyfer graddau Meistr ôl-raddedig a Addysgir Gadeirydd a fydd yn gyfrifol am sicrhau bod y gweithdrefnau gweinyddol cywir ar gyfer cyflwyno ac arholi’r gwaith yn cael eu dilyn. 

13.2

Caiff yr holl waith ei farcio gan ddau aelod mewnol o staff, a dylai goruchwyliwr yr ymgeisydd hwnnw fod yn un ohonynt, fel arfer. Serch hynny, mewn rhai amgylchiadau efallai na fydd yn briodol i’r Goruchwyliwr fod yn farciwr.

13.3

Diffinnir rôl yr Arholwr Allanol yng Nghod Ymarfer Arholi Allanol Prifysgol Abertawe.

13.4

Fodd bynnag, os yw’n amhosibl penodi dau farciwr mewnol, dylai’r Gyfadran/Ysgol dalu marciwr allanol i fod yn ail farciwr a dylid gofyn i’r Arholwr Allanol wirio y cafwyd gwaith safoni.

13.5

Er ei bod yn arferol i’r un Arholwr Allanol arholi ymgeisydd ar gyfer Rhan Un a Rhan Dau, gellir penodi arholwr annibynnol i arholi’r gwaith os oes angen gwybodaeth arbenigol.

13.6

Gall Cyfadrannau/Ysgolion ddewis defnyddio rheoliadau samplu os ceir mwy na 10 o ymgeiswyr. Mae’r rheoliadau samplu fel a ganlyn:

O leiaf 10% o gyfanswm y darnau o waith (lleiafswm o 5) gan gynnwys o leiaf un darn o bob dosbarth (Llwyddo, Teilyngdod, Rhagoriaeth, lle y bo’n briodol). Yn ogystal â hyn, rhaid anfon bob darn o waith a fethwyd at yr Arholwr Allanol.

13.7

Caiff y marciau eu cymeradwyo yn ystod Ail Gyfarfod y Bwrdd Arholi (Cyfadran/Ysgol) a Bwrdd Dilyniant a Dyfarnu'r Brifysgol.

13.8

Gweler y Cod Ymarfer ar gyfer Arholi Allanol am fanylion y weithdrefn ar gyfer ymdrin ag anghydfod neu anghytundeb.

14.1

Rhaid i ddysgu annibynnol dan gyfarwyddyd gael ei gyflwyno'n unol â gofynion y Brifysgol. Caiff Cyfadrannau/Ysgolion ddewis rhwng yr opsiynau canlynol:

• Derbyn copi electronig o'r gwaith
• Derbyn dau gopi o’r gwaith, mewn rhwymiad meddal, yn ogystal â chopi electronig.

Rhaid i Gyfadrannau/Ysgolion hysbysu myfyrwyr am y dull cyflwyno a ddefnyddir, yn Llawlyfr y Gyfadran/Ysgol.

Rhaid i bob copi gynnwys:

• Datganiad sy’n nodi bod y gwaith yn cael ei gyflwyno er mwyn bodloni gofynion y radd yn rhannol.
• Crynodeb o’r gwaith, nad yw’n fwy na thri chan gair o hyd.
• Datganiad, wedi’i lofnodi gan yr ymgeisydd, sy’n dangos i ba raddau y mae’r gwaith a gyflwynir yn ganlyniad gwaith ymchwil yr ymgeisydd ei hun. Dylid cydnabod ffynonellau eraill mewn troednodiadau sy’n cynnwys cyfeiriadau penodol. Dylid atodi llyfryddiaeth lawn i'r gwaith.
• Datganiad, wedi’i lofnodi gan yr ymgeisydd, sy’n cadarnhau nad yw’r gwaith yn gyffredinol wedi’i dderbyn eisoes ar gyfer unrhyw radd, ac nad yw’n cael ei gyflwyno mewn ymgeisyddiaeth am unrhyw radd arall ar yr un pryd â’r radd dan sylw.
• Datganiad, wedi'i lofnodi, ynghylch mynediad at y traethawd ymchwil gan bobl eraill.

14.2

Bydd cyfarwyddiadau manwl ynghylch cyflwyno gwaith ar gael i ymgeiswyr yn y Rheoliadau Academaidd.

14.3

Diffinnir cyflwyno'r gwaith fel cyflwyno darn neu ddarnau o waith yn unol â'r gofynion ar gyfer cyflwyno dysgu annibynnol dan gyfarwyddyd (uchod) a dylai'r cyflwyniad fodloni gofynion y Gyfadran/Ysgol hefyd (o ran fformat, uchafswm y geiriau ayyb). Mae gan Gyfadran/Ysgol yr hawl i benderfynu a yw cyflwyniad yn bodloni'r gofynion hyn ai peidio.

14.4

Cyflwynir dysgu annibynnol dan gyfarwyddyd ar ddiwedd y trydydd semester. Yn achos myfyrwyr sy'n cychwyn yn y Brifysgol ym mis Medi, y dyddiadau fydd:

Yn achos myfyrwyr sydd wedi cofrestru ar gyfer yr MSC (rhan-amser) mewn Ymarfer Uwch Mewn Gofal Iechyd ar y llwybr pedair blynedd sy'n dewis opsiwn y traethawd hir (SHTM31/SHTM39), byddai ganddynt 48 mis ar ôl cofrestru i'w gyflwyno.  

14.5

Bydd ymgeiswyr a ddaeth i’r Brifysgol yn 09/10 neu ar ôl hynny sy’n methu â chyflwyno’u gwaith erbyn y dyddiad cau yn methu Rhan Dau’r rhaglen, a dyfernir Diploma Ôl-raddedig iddynt yn gymhwyster ymadael.

14.6

Mae gan bob gradd ei chyfnod ymgeisiaeth hwyaf posibl. Bwriad y cyfnod hwyaf posibl yw sicrhau bod ymgeiswyr y torrwyd ar draws eu hastudiaethau am ba reswm bynnag yn gallu cwblhau eu gradd. Rhaid i ymgeiswyr geisio cwblhau eu rhaglen erbyn y dyddiadau cau a nodir yn Adran 3. Bydd ymgeisyddiaeth yn dirwyn i ben (gan felly gwahardd arholi) os na chwblheir y rhaglen o fewn yr amserlen a bennir gan y Brifysgol fel y nodwyd yn Adran 3.

15.1

Os na fydd yr arholwyr wedi derbyn y gwaith erbyn y dyddiad cau a bennwyd, caiff yr ymgeisydd ei ailgyflwyno unwaith yn unig o fewn y terfynau amser canlynol:

15.2

Bydd y Brifysgol yn codi ffi am ailarholi, a chaiff y marc ei gapio.

15.3

Dylai myfyrwyr sy’n ailgyflwyno gwaith dderbyn adborth ysgrifenedig ar y rhesymau pam y bu iddynt fethu yn union ar ôl i’r Bwrdd Dilyniant a Dyfarnu gadarnhau’r canlyniad. Dylai Cyfadrannau/Ysgolion sicrhau bod yr adborth yn adlewyrchu holl sylwadau’r Arholwyr (Mewnol ac Allanol) a bod y myfyriwr yn cael gwybod am y newidiadau sy’n angenrheidiol. 

15.4

Dim ond mân newidiadau i deitl eu gwaith y caiff myfyrwyr sy’n ailgyflwyno eu gwaith eu gwneud, gyda chaniatâd eu Goruchwyliwr. Ni ddylai newidiadau o’r fath beri bod angen unrhyw ymchwil gwreiddiol pellach.

15.5

Mae myfyrwyr sy’n ailgyflwyno eu gwaith yn parhau i orfod cydymffurfio â gofynion y Polisi Monitro Cyfranogiad Myfyrwyr Ymchwil a disgwylir iddynt gyfranogi’n llawn yn eu hastudiaethau yn ystod y cyfnod ailgyflwyno. Caiff myfyrwyr eu monitro bob pedair wythnos (un sesiwn adborth ffurfiol wedi’i dilyn gan sesiynau gwirio lles, nid oes gan fyfyrwyr hawl i derbyn goruchwyliaeth ychwanegol) nes iddynt ailgyflwyno o fewn y terfyn amser a bennwyd ar gyfer myfyrwyr amser llawn a myfyrwyr rhan-amser a byddant yn destun y broses uwchgyfeirio am ddiffyg cyfranogiad o hyd. Yr Gyfadran/Ysgol neu Wasanaethau Cydymffurfiaeth Myfyrwyr fydd yn gyfrifol am gofnodi cyfranogiad myfyrwyr yn ystod y cyfnod ailgyflwyno. 

16.1

Caiff ymgeisydd gyhoeddi’r gwaith cyfan neu ran o’r gwaith a gynhyrchwyd yn ystod ei gyfnod cofrestru yn y Brifysgol. Gall ymgeisydd gyhoeddi’r gwaith cyn ei gyflwyno yn ei gyfanrwydd neu'n rhannol, ar yr amod na nodir yn unrhyw le yn y gwaith a gyhoeddir ei fod yn cael ei ystyried ar gyfer gradd uwch. Caiff y fath waith ei ymgorffori wedyn yn y darn o ddysgu annibynnol dan gyfarwyddyd a gyflwynir i'w arholi.

17.1

Er gwaethaf y darpariaethau yn y rheoliadau sy’n ymwneud ag argaeledd dysgu annibynnol dan gyfarwyddyd, gall y Brifysgol gael caniatâd, ar sail argymhelliad arbennig a gymeradwyir gan y Bwrdd Achosion Myfyrwyr, i atal unrhyw un rhag llungopïo a/neu gael mynediad at waith ymgeisydd am gyfnod o hyd at bum mlynedd. Cyfrifoldeb goruchwyliwr yr ymgeisydd fydd cyflwyno cais priodol i’r Bwrdd Achosion Myfyrwyr cyn gynted ag y bo’n rhesymol ymarferol. Byddai’r gwaharddiad hwn hefyd yn berthnasol i aelodau’r Brifysgol.

17.2

Dylai’r crynodeb a’r teitl fod ar gael yn ddirwystr.

17.3

Mae'n rhaid i unrhyw argymhelliad am wahardd mynediad gael ei gyflwyno i'r Deon Gweithredol neu enwebai ar ôl i oruchwyli ymgeisydd roi ystyriaeth i'r mater. Cyfrifoldeb y goruchwyliwr fydd cyflwyno’r cais cyn gynted ag y bo’n rhesymol ymarferol. Rhaid i’r argymhelliad gynnwys datganiad ynghylch y rhesymau dros wneud y cais. Gwneir y rhan fwyaf o’r ceisiadau hyn ar sail sensitifrwydd masnachol yr ymchwil, a allai fod wedi’i noddi’n rhannol gan gorff masnachol neu ddiwydiannol.

17.4

Pan ganiateir gwaharddiad ar fynediad dylid hysbysu Goruchwyliwr yr ymgeisydd. Yn achos gwaith y tybir ei fod yn berthnasol i Gymru, bydd y Gyfadran/Ysgol yn hysbysu llyfrgellydd Llyfrgell Genedlaethol Cymru o’r ffaith y dylid atal mynediad at y gwaith am gyfnod penodedig.

17.5

Tybir y bydd y penderfyniad i atal mynediad yn dod i rym cyn gynted ag y bydd y gwaith wedi’i gyflwyno, ond caiff y cyfnod a gymeradwywyd ei gyfrifo o’r dyddiad y caiff yr ymgeisydd ei hysbysu’n ffurfiol gan y Brifysgol am y ffaith ei fod yn gymwys i ennill gradd.

17.6

Pan gaiff gwaith ei gyflwyno, bydd yn ofynnol i ymgeisydd gynnwys datganiad wedi’i lofnodi ynddo a fydd yn dangos naill ai:

• Bod y gwaith, os yw’n llwyddiannus, yn gallu bod ar gael ar gyfer benthyciad rhwng llyfrgelloedd neu i’w lungopïo (yn unol â’r ddeddf hawlfraint), ac y gellir darparu’r teitl a’r crynodeb ar gyfer sefydliadau allanol; neu
• Y daw’r gwaith, os yw’n llwyddiannus, ar gael felly ar ddiwedd cyfnod y gwaharddiad.

18.1

Bydd y Byrddau Arholi canlynol yn cyfarfod i asesu ymgeiswyr:

• Byrddau Arholi'r Gyfadran/Ysgol.
• Bwrdd Dilyniant a Dyfarnu'r Brifysgol (Rhan Un: diwedd Semester Dau; Rhan Dau: diwedd Semester Tri).

18.2

Ceir manylion pellach ynghylch cyfansoddiad, rol a chyfrifoldebau Byrddau Arholi yn y Rheoliadau Asesu ar gyfer Dyfarnu Ôl-raddedig a Addysgir.

19.1

Dylai’r Gyfadran/Ysgol gadw un copi o’r gwaith am o leiaf dwy flynedd. Pan fydd ymgeisydd wedi cyflwyno dau gopi â rhwymiad meddal, dylai'r copi arall fod ar gael i'r ymgeisydd ei gasglu, oni fernir bod y cynnwys yn berthnasol i Gymru, ac yn yr achos hwnnw dylid ei gadw yn Llyfrgell y Brifysgol.