| Proffil Rôl Myfyrwyr - Dolenni Cyflym |
|---|
| Defnydd Cyfrifol a Moesegol |
| Llythrennedd Craidd Deallusrwydd Artiffisial |
| Llythrennedd Deallusrwydd Artiffisial sy'n benodol i'r rôl |
Wrth i Ddeallusrwydd Artiffisial ddod yn rhan annatod o'r byd academaidd a phroffesiynol, mae'n hollbwysig bod myfyrwyr nid yn unig yn ymwybodol o'r technolegau cynyddol amlwg hyn ond bod hefyd ganddynt y gallu i ymgysylltu â nhw mewn ffordd feirniadol a chreadigol.
Mae'r rhan hon o'r Fframwaith Deallusrwydd Artiffisial wedi'i dylunio'n benodol ar gyfer myfyrwyr - mae'n cynnig esboniadau clir, mewnwelediadau moesegol ac offer ymarferol i'ch helpu i ddeall, defnyddio a myfyrio ar rôl Deallusrwydd Artiffisial yn ystod eich taith ddysgu a thu hwnt.
Defnydd Cyfrifol a Moesegol
Mae deallusrwydd artiffisial (AI) yn dod yn rhan annatod o addysg, gan gynnig ffyrdd newydd o ddysgu, archwilio a chreu. I fyfyrwyr, mae ymgysylltu â AI yn fwy na defnyddio offer yn unig—mae’n golygu deall y goblygiadau ehangach o sut mae AI yn siapio gwybodaeth, cyfathrebu a gwneud penderfyniadau.
Mae defnyddio AI yn gyfrifol ac yn foesegol yn ymwneud â datblygu llythrennedd digidol, parchu gwerthoedd academaidd, a pharatoi i lywio byd lle mae AI yn fwy amlwg ym mywyd bob dydd.
Ymwybyddiaeth a Chydymffurfiaeth Cyfreithiol, Rheoleiddiol a Pholisi
Sylfaenol
Defnyddio polisïau'r Brifysgol ar ddiogelu data, preifatrwydd ac uniondeb academaidd wrth ddewis a defnyddio gwaith academaidd a gymeradwyir, gan sicrhau ymarfer cyfrifol a moesegol.
Sefydledig
Cyfeirio at fframweithiau polisi a rheoleiddiol a'u cydnabod mewn rhyngweithiadau â chyfoedion sy’n ymwneud â defnyddio Deallusrwydd Artiffisial, megis prosiectau grŵp.
Arloesol
Cyfrannu at fentrau sefydliadol a/neu dan arweiniad myfyrwyr sy'n gysylltiedig â llywodraethu Deallusrwydd Artiffisial.
Adndoddau Cefnogol
Canllawiau i Fyfyrwyr ar Ddeallusrwydd Artiffisial Cynhyrchiol
Trosolwg o ganllawiau'r Brifysgol ynghylch Deallusrwydd Artiffisial Cynhyrchiol i fyfyrwyr.
Polisi Prifysgol Abertawe ar y Defnydd o Ddeallusrwydd Artiffisial (AI) yn Asesiadau Myfyrwyr
Polisi Prifysgol Abertawe ar y defnydd o Ddeallusrwydd Artiffisial yn asesiadau myfyrwyr, gan gynnwys egwyddorion allweddol a defnydd moesegol.
Gweithdai'r Ganolfan Llwyddiant Academaidd
Mae'r Ganolfan Llwyddiant Academaidd yn cynnal gweithdai rheolaidd, gan gynnwys Llythrennedd Deallusrwydd Artiffisial.
Defnyddio Deallusrwydd Artiffisial drwy Lens Feirniadol
Sylfaenol
Asesu cyfyngiadau allbynnau Deallusrwydd Artiffisial cynhyrchiol yn feirniadol drwy nodi rhagfarnau a gwallau posibl ac addasu'r cynnwys gan ddefnyddio barn wybodus cyn ei hymgorffori mewn gwaith academaidd.
Sefydledig
Nodi a defnyddio meini prawf ar gyfer gwerthuso cywirdeb allbynnau Deallusrwydd Artiffisial a mynd i'r afael ag unrhyw faterion a nodwyd.
Arloesol
Dadansoddi effeithiolrwydd Deallusrwydd Artiffisial wrth gyflawni a/neu gefnogi tasgau penodol yn y byd academaidd ac mewn cyd-destunau proffesiynol dilys yn feirniadol.
Adnoddau Cefnogol
Prifysgol Newscastle - Gwerthusiad Beirniadol o Ddeallusrwydd Artiffisial
Dyma restr wirio hwylus i’w defnyddio er mwyn gwerthuso allbwn Deallusrwydd Artiffisial Cynhyrchiol.
Cydnabod a Chyfeirio at Ddefnyddio Deallusrwydd Artiffisial
Sylfaenol
Defnyddio technegau cyfeirnodi priodol i gydnabod y defnydd o gynnwys a gynhyrchir gan Ddeallusrwydd Artiffisial mewn gwaith academaidd, gan gynnwys defnydd cywir o ddyfyniadau yn y testun yn unol â chanllawiau uniondeb academaidd sefydliadol.
Sefydledig
Defnyddio safonau cyfeirnodi a dderbynnir gan y sefydliad ar gyfer offer Deallusrwydd Artiffisial, gan gynnwys dyfyniadau yn y testun, rhestrau cyfeiriadau a datganiadau'r Brifysgol.
Arloesol
Cydnabod a myfyrio ar ddefnyddio Deallusrwydd Artiffisial mewn cyd-destunau academaidd yn rheolaidd, hyd yn oed pan nad yw'n ofynnol yn benodol.
Adnoddau Cefnogol
Mae'r cofnod hwn gan adnodd 'Lib Answers' Prifysgol Abertawe yn darparu arweiniad ar gyfeirnodi Deallusrwydd Artiffisial ym mhedwar gwahanol arddull:
Cyfeirnodi Deallusrwydd Artiffisial yn arddull APA
Cyfeirnodi Deallusrwydd Artiffisial yn arddull OSCOLA
Cyfeirnodi Deallusrwydd Artiffisial yn arddull MHRA
Cyfeirnodi Deallusrwydd Artiffisial yn arddull Vancouver
Llythrennedd Craidd A.I.
Wrth i AI ddod yn fwyfwy annatod i addysg a bywyd bob dydd, mae datblygu dealltwriaeth sylfaenol o sut mae’n gweithio yn hanfodol. Mae llythrennedd craidd AI yn grymuso myfyrwyr i ymgysylltu’n feirniadol ac yn greadigol ag offer AI, deall eu gallu a’u cyfyngiadau, ac adlewyrchu are y goblygiadau cymdeithasol a moesegol ehangach o’u defnydd.
Mae hyn yn helpu myfyrwyr i ddod yn ddefnyddwyr hyderus a chyfrifol, yn academaidd ac yn eu bywydau bob dydd.
Deall Deallusrwydd Artiffisial a'i Swyddogaethau
Sylfaenol
Nodi a chymharu swyddogaethau craidd offer Deallusrwydd Artiffisial a ddefnyddir yn gyffredin, gan ddewis offer priodol ar gyfer tasgau academaidd neu broffesiynol penodol. Nodi a chymharu swyddogaethau allweddol offer Deallusrwydd Artiffisial a ddefnyddir yn gyffredin, a dewis offer priodol i gefnogi tasgau academaidd penodol neu weithgareddau datrys problemau.
Sefydledig
Cael mynediad at offer sefydliadol a defnyddio eu hymarferoldeb sylfaenol.
Arloesol
Dewis ac uno offer Deallusrwydd Artiffisial gwahanol yn bwrpasol mewn cyd-destunau uwch.
Adnoddau Cefnogol
Gweithdai'r Ganolfan Llwyddiant Academaidd
Mae'r Ganolfan Llwyddiant Academaidd yn cynnal gweithdai rheolaidd, gan gynnwys Llythrennedd Deallusrwydd Artiffisial. Caiff y dudalen hon ei diweddaru pan fydd gweithdai ar gael i gadw lle arnynt.
Microsoft Learn: Get Started with AI
Cwrs byr (tua50 munud) ar gyfer myfyrwyr, i'ch helpu i ddysgu am swyddogaethau sylfaenol Deallusrwydd Artiffisial.
Bod yn ymwybodol o rôl ac effaith Deallusrwydd Artiffisial yn fyd-eang
Sylfaenol
Deall bod gan Ddeallusrwydd Artiffisial effaith fyd-eang, sy'n gadarnhaol ac yn negyddol, ar economïau, marchnadoedd llafur, addysg, strwythurau cymdeithasol ac yn amgylcheddol.
Sefydledig
Ymgysylltu â datblygiadau yn y maes, sylwebaeth a llenyddiaeth i gael y newyddion diweddaraf ar rôl ac effaith Deallusrwydd Artiffisial yn fyd-eang.
Arloesol
Datblygu a rhoi strategaethau ar waith er mwyn gwneud penderfyniadau gwybodus o ran defnyddio Deallusrwydd Artiffisial.
Adnoddau Cefnogol
World Economic Forum – Transformation Maps – Artificial Intelligence
Mae mapiau trawsnewid Fforwm Economaidd y Byd yn medru eich helpu i archwilio a deall y cysylltiadau rhwng materion byd-eang amrywiol, gan gynnwys sut mae deallusrwydd artiffisial yn gysylltiedig ag effaith ar yr hinsawdd, geowleidyddiaeth a thrawsnewid y gweithle.
Peirianneg Ysgogiadau
Sylfaenol
Defnyddio ysgogiadau syml ac uniongyrchol i gynhyrchu allbynnau perthnasol a defnyddiol.
Sefydledig
Dylunio ysgogiadau strwythuredig, gyda nifer o gamau iddynt, i gyflawni allbynnau penodol gan gynnwys mireinio ysgogiadau o'r fath dro ar ôl tro er mwyn sicrhau cywirdeb, tôn gywir a chynwysoldeb.
Arloesol
Datblygu a rhannu fframweithiau neu dempledi ysgogiadau peirianneg ar gyfer achosion o ddefnydd penodol.
Adnoddau Cefnogol
Microsoft Learn: Craft effective prompts for Microsoft 365 Copilot
Mae'r llwybr dysgu hwn gan Microsoft yn darparu arweiniad ac ymarferion a argymhellir ar gyfer ysgrifennu ysgogiadau Deallusrwydd Artiffisial effeithiol er mwyn arbed amser ac ymdrech a chyflawni'r canlyniadau sy'n addas i'ch anghenion chi.
Video Tutorial: Use Copilot's Prompt Gallery
Mae'r tiwtorial fideo hwn yn cwmpasu sut i ddefnyddio'r 'Prompt Gallery' i archwilio, addasu ac ailddefnyddio ysgogiadau sy'n eich helpu chi i dasgu syniadau, dadansoddi a chreu yn hawdd.
Copilot tutorial: What makes a good prompt?
Mae'r tiwtorial fideo hwn yn amlinellu cyngor defnyddiol ar sut i ddiffinio, rhoi cyd-destun, a dylunio ysgogiadau manwl ar gyfer y canlyniadau gorau posibl.
Copilot Tutorial: Quick tips for better prompts
Mae'r tiwtorial fideo hwn yn ymhelaethu ar ddefnyddio ysgogiadau drwy archwilio sut y gallwch ailddiffinio eich ysgogiadau ar gyfer ceisiadau mwy eglur a chydweithredu mwy hwylus.
Llythrennedd A.I. sy'n Benodol i'r Rôl
Wrth i AI ddod yn fwy integredig ym mywyd academaidd, disgwylir i fyfyrwyr ddatblygu defnydd moesegol ac effeithiol o’r technolegau hyn i gynnal uniondeb academaidd wrth ddefnyddio AI, cydnabod sut y gellir cymhwyso AI o fewn disgyblaethau penodol, ac archwilio ffyrdd o’i ddefnyddio i wella dysgu personol.
Mae datblygu’r cymwyseddau hyn yn helpu myfyrwyr i ddefnyddio AI fel arf ar gyfer twf, creadigrwydd ac ymgysylltu dyfnach â’u meysydd astudio, tra’n cynnal gwerthoedd ysgolheictod cyfrifol.
Arddangos Uniondeb Academaidd
Sylfaenol
Adnabod y risgiau ynghlwm â gor-ddibynnu ar Ddeallusrwydd Artiffisial gan gynnwys dibrisiad cyfleoedd dysgu yn y Brifysgol.
Sefydledig
Dilyn cyfarwyddiadau asesu ynghylch y defnydd o Ddeallusrwydd Artiffisial a ganiateir a’i ddatgan.
Arloesol
Dylanwadu ar gyfoedion a'u cefnogi wrth ddefnyddio Deallusrwydd Artiffisial ar gyfer asesu mewn ffordd gyfrifol, gydsyniol a phwrpasol.
Adnoddau Cefnogol
Polisi Prifysgol Abertawe ar y Defnydd o Ddeallusrwydd Artiffisial (AI) yn Asesiadau Myfyrwyr
Mae'r polisi'n darparu arweiniad ar y defnydd o Ddeallusrwydd Artiffisial mewn perthynas ag asesiadau ym Mhrifysgol Abertawe.
Llysgenhadon Uniondeb Academaidd Prifysgol Abertawe
Mae'r llysgenhadon uniondeb academaidd yn dîm o fyfyrwyr gwirfoddol sydd â'r nod o hyrwyddo diwylliant o uniondeb academaidd ar draws y brifysgol mewn ffordd a fydd yn taro deuddeg gyda myfyrwyr eraill.
Defnyddio Deallusrwydd Artiffisial mewn disgyblaethau penodol
Sylfaenol
Archwilio sut mae offer a chymwysiadau Deallusrwydd Artiffisial yn dylanwadu ar arferion proffesiynol yn eich maes astudio, ac esbonio eu goblygiadau posib ar gyfer datblygiadau yn y dyfodol.
Sefydledig
Defnyddio Deallusrwydd Artiffisial ar gyfer gweithgareddau a thasgau dysgu sy'n benodol i'r ddisgyblaeth.
Arloesol
Dadansoddi sut y gellir defnyddio offer Deallusrwydd Artiffisial yn strategol ochr yn ochr â mewnbwn gan bobl i wella effeithlonrwydd arfer proffesiynol yn eich maes astudio.
Adnoddau Cefnogol
Microsoft Scenario Library
Mae'r adnodd hwn gan Microsoft yn darparu cipolwg ar sut mae Deallusrwydd Artiffisial yn cefnogi ymarfer proffesiynol ar draws amrywiaeth eang o ddisgyblaethau gan gynnwys TG, marchnata, Adnoddau Dynol a'r Gyfraith.
Gwella dysgu gyda Deallusrwydd Artiffisial
Sylfaenol
Defnyddio swyddogaethau sylfaenol offer Deallusrwydd Artiffisial i ddatblygu gwybodaeth a mynd i'r afael â chamdybiaethau a/neu fylchau mewn gwybodaeth.
Sefydledig
Defnyddio offer Deallusrwydd Artiffisial i ddatblygu a defnyddio adnoddau astudio gan gynnwys crynodebau, pwyntiau allweddol ar gyfer adolygu a hunan-asesiadau.
Arloesol
Rhannu arferion astudio effeithiol a chyfrifol a gefnogir gan Ddeallusrwydd Artiffisial ag eraill.
Adnoddau Cefnogol
Microsoft CoPilot for Students
Mae'r adnodd hwn yn cynnwys cynghorion astudio, cyngor ar gynhyrchiant a syniadau ar gyfer defnyddio Deallusrwydd Artiffisial i drefnu bywyd o gwmpas gwaith prifysgol.
