Benthyca Cyfarpar

Cadarnhewch Gyfrifoldebau - nodwch a chytunwch ymlaen llaw gyfrifoldeb pwy yw cludo, gosod, cynnal a chadw ac yswiriant adeg dosbarthu'r cyfarpar a'i ddychwelyd.

Gwiriwch yr Yswiriant - Cysylltwch â Thîm Yswiriant Prifysgol Abertawe i gadarnhau'r telerau cyn bwrw ymlaen.

• Sylwer bod tâl-dros-ben gan yswiriant Prifysgol Abertawe y mae'n rhaid ei dalu os caiff y cyfarpar ei ddifrodi. Os oes difrod, rhaid i gyllid arweinydd y prosiect dalu'r tâl-dros-ben.

• Os yw eitem yn cael ei fenthyca i sefydliad arall, nid yw o dan ofal na rheolaeth Prifysgol Abertawe nac yn ei meddiant, a dylid trosglwyddo'r cyfrifoldeb am yswiriant i'r sefydliad sy'n derbyn yr eitem. Rhaid cytuno ar hyn cyn benthyca'r cyfarpar.

Rhaid Ffurfioli'r Benthyciad - Cysylltwch â Thîm Contractau REIS neu'r Gwasanaethau Cyfreithiol i greu cytundeb benthyca ffurfiol a fydd yn ymdrin ag atebolrwydd a chyfrifoldebau.

Rheolwch y Risgiau - Cwblhewch Asesiad Risg ar gyfer cludiant a defnydd. Os oes angen, dilëwch neu amgryptiwch ddata sensitif a rhowch hyfforddiant neu weithdrefnau gweithredu safonol i'r sefydliad sy'n derbyn y cyfarpar.

Cofnodwch y Cyflwr - Nodwch gyflwr y cyfarpar gan dynnu lluniau â stamp amser cyn benthyca'r eitem a gwnewch yn siŵr bod y derbynnydd yn cydnabod bod yr eitem wedi cyrraedd.

Sicrhewch fod yr eitem yn cael ei ddychwelyd yn briodol - Rhaid i'r derbynnydd gwblhau Adroddiad Cyflwr Terfynol cyn dychwelyd y cyfarpar. Archwiliwch yr eitem pan gaiff ei ddychwelyd a chofnodwch unrhyw ddifrod.

Gwnewch yn siŵr bod cais moeseg eich astudiaeth yn cynnwys manylion am fenthyca cyfarpar.

Cysylltwch â Thîm Contractau REIS i ddrafftio cytundeb. Rhaid i gyfranogwyr lofnodi'r cytundeb cyn derbyn cyfarpar.

Cyn dosbarthu cyfarpar, rhaid i'r Tîm Cydymffurfiaeth gadarnhau diogelwch, cydymffurfiaeth a chydnawsedd ag isadeiledd.

Cadwch gofnod o ddyfeisiau a ddosbarthwyd a rhowch arweiniad ar eu defnydd.

Rhaid i gyfranogwyr roi gwybod i arweinydd yr astudiaeth ar unwaith os caiff dyfais ei cholli neu ei dwyn neu os yw'n ddiffygiol.

Rhaid i'r holl gyfarpar gael ei ddychwelyd ar ddiwedd yr astudiaeth. Rhaid dilyn canllawiau'r Brifysgol wrth gael gwared â chyfarpar.

Gweithiwch gyda'r cydweithredwr allanol i lunio Cytundeb Benthyca Cyfarpar ysgrifenedig.

Cysylltwch â Thîm Contractau REIS neu'r Gwasanaethau Cyfreithiol i adolygu neu ddrafftio'r cytundeb.

Gwnewch yn siŵr bod y cytundeb yn cynnwys y canlynol:

• Defnydd o'r cyfarpar
• Cyfrifoldebau am gludo a gosod
• Cynnal a chadw a gwasanaethu
• Darpariaethau yswiriant
• Atebolrwydd
• Amodau ac amserlen dychwelyd

Rhowch wybod i'r Tîm Cydymffurfiaeth - Gwnewch yn siŵr bod y cyfarpar yn bodloni holl ofynion diogelwch, rheoleiddiol ac isadeiledd y Brifysgol cyn ei dderbyn.

Cysylltwch â Thîm Yswiriant Prifysgol Abertawe i gadarnhau a yw cymal "gofal, meddiant neu reolaeth" y Brifysgol yn berthnasol i'r cyfarpar.

Cadarnhewch bwy sy'n gyfrifol am yswiriant, atebolrwydd a chynnal a chadw yn ystod y cyfnod benthyca.

Cytunwch ymlaen llaw â'r darparwr pryd a sut caiff y cyfarpar ei ddychwelyd, gan gynnwys y cyflwr disgwyliedig ar ddiwedd y cyfnod benthyca.