Prynu Cyfarpar Labordy

1. Pa risgiau iechyd a diogelwch allai fod yn gysylltiedig â defnyddio'r peiriant?
2. A oes unrhyw gydrannau peryglus a pha gardiau a ddarperir/sy'n ofynnol?
3. A fydd angen rheolyddion diffodd brys ar y cyfarpar a sut gellir ynysu'r cyflenwad trydanol?
4. Sut mae'r rheolyddion a'r system reoli'n gweithio?
5. A fydd y peiriant yn creu llwch neu fygdarthau? Os yw'n debygol y bydd symiau sylweddol o'r rhain, a ellir addasu system echdynnu bresennol i ymdopi â'r peiriant newydd neu a fydd angen systemau newydd?
6. Ydy'r peirianwaith wedi cael ei ddylunio i gadw lefelau sŵn a dirgryniad mor isel â phosib?
7. A oes unrhyw gydrannau eithriadol o boeth neu oer iawn gan y peiriant ac a oes modd eu hynysu neu eu diogelu?
8. A oes unrhyw laserau, medryddion trwch neu ffynonellau ymbelydrol yn y cyfarpar a pha ragofalon sydd i atal cysylltiad â’r rhain?
9. Beth sydd wedi cael ei wneud i ddileu risgiau o sioc drydanol, yn enwedig yn ystod gwaith cynnal a chadw, pan all gorchuddion neu ddrysau paneli rheoli fod ar agor?
10. A oes risgiau posib o ffynonellau eraill o ynni wedi'i storio, megis systemau hydrolig neu niwmatig?
11. A oes gwybodaeth glir am weithdrefnau gosod, cynnal a chadw a methiant y cyfarpar?
12. Pa hyfforddiant fydd yn ofynnol i ddefnyddwyr ac ar gyfer cynnal a chadw'r cyfarpar?

Ar gyfer cyfarpar/peirianwaith cymhleth neu a gafodd ei adeiladu i’r diben, trefnwch i’w weld ar waith fel y gellir dangos y nodweddion diogelwch i chi a sut maent yn gweithio.

1. Sicrhewch eich bod yn fodlon bod y peiriant yn ddiogel a'ch bod yn deall sut i'w weithredu'n ddiogel.
2. Gwnewch yn siŵr bod unrhyw bryderon cynnar am ddiogelwch y peiriant, unwaith mae wedi cael ei gomisiynu, yn cael eu nodi a'u trafod â'r cyflenwyr.

Hyd yn oed os oes gan y cyfarpar farc CE, peidiwch byth â chymryd yn ganiataol ei fod yn ddiogel. Dylai'r llawlyfrau a ddarperir gan y gweithgynhyrchwr gynnwys:

1. Darluniau o'r peirianwaith a'i gylchedau rheoli
2. Y manylebau a'r safonau a ddefnyddiwyd wrth ei ddylunio
3. Canlyniadau profi perthnasol a data arall
4. Cyfarwyddiadau gweithredu
5. Adroddiadau technegol

Cysylltwch â'r Tîm Cydymffurfiaeth drwy gwblhau'r Ffurflen Cyfarpar Newydd hon cyn prynu i sicrhau bod y cyfarpar arfaethedig yn bodloni gofynion diogelwch a gofod.

Bydd y Tîm Cydymffurfiaeth yn cysylltu ag Ystadau i gadarnhau:

• Nad yw'r cyfarpar yn rhwystro cyfarpar arall, llwybrau cerdded neu allanfeydd brys.
• Na fydd yr ychwanegiad yn gorlwytho systemau megis unedau trin aer labordai neu gyflenwadau pŵer.

Os credwch y gellir ystyried bod y cyfarpar yn eitem Craidd, rhaid i chi hysbysu'r Pwyllgor Cyfarpar cyn ei brynu.

E-bostiwch y Pwyllgor Cyfarpar

Nodwch a yw'r prynu'n:

• Gynlluniedig: wedi'i gynnwys mewn cais am grant nad yw wedi'i ddyfarnu eto.
• Ar Unwaith: wedi'i ariannu gan grant a ddyfarnwyd neu gyllideb bresennol.

Bydd y pwyllgor yn trafod a yw'r cyfarpar yn cael ei ystyried yn gyfarpar Craidd ac felly'n gymwys i gael ei gefnogi gan y Gyfadran ar gyfer gwasanaethu yn y dyfodol neu ddisodli ar ôl i gyfnod y grant ddod i ben neu bydd yn eich hysbysu os na chaiff ei fabwysiadu fel eitem Craidd.

Cysylltwch â'r Tîm Cydymffurfiaeth drwy gwblhau'r Ffurflen Disodli Cyfarpar cyn prynu i sicrhau bod y cyfarpar newydd:

• Yn bodloni gofynion diogelwch a chydymffurfiaeth.
• Na fydd yn creu cyfyngiadau gofod na phroblemau isadeiledd.

Os yw'r cyfarpar newydd o faint gwahanol, os oes ganddo ofynion pŵer gwahanol neu os yw'n gofyn am newidiadau ychwanegol i isadeiledd, bydd y Tîm Cydymffurfiaeth  yn cysylltu ag Ystadau i asesu addasrwydd.

Sylwer: Cyn cael gwared â hen gyfarpar neu gyfarpar sydd wedi'i dorri, darllenwch Cael Gwared â Chyfarpar Labordy yn Ddiogel i gael arweiniad ar ddulliau gwaredu cywir, gan gynnwys trin deunyddiau peryglus a chydymffurfiaeth WEEE (Cyfarpar Trydanol ac Electronig Gwastraff)

Os yw'r cyfarpar y mae angen ei ddisodli yn Gyfarpar Craidd, rhaid i chi roi gwybod i'r Pwyllgor Cyfarpar drwy e-bost.

Pan fydd y Tîm Cydymffurfiaeth (ac, os yw'n briodol y Pwyllgor Cyfarpar) wedi ystyried y cais, gallwch fwrw ymlaen i brynu'r cyfarpar.

1. Cyfarpar sy'n rhan o'r isadeiledd, er enghraifft:

• Systemau Dŵr Hidledig
• Allgyrchyddion
• Rhewgelloedd (gan gynnwys rhewgelloedd tymheredd isel iawn) - sy'n cael eu gwasanaethu'n fewnol gan y Tîm Cydymffurfiaeth.
• Deoryddion
• Lwfrau bioddiogelwch meithrin meinweoedd.
• Cypyrddau gwyntyllu
• Cypyrddau cemeg

2. Cyfarpar Dadansoddi Arbenigol sydd:

• Ar gael i'w ddefnyddio gan y cyfleuster cyfan.
• Ar gael i nifer o grwpiau ymchwil sydd wedi cael hyfforddiant priodol.
• Wedi cael ei nodi gan y Pwyllgor Cyfarpar fel cyfarpar sy'n hanfodol i ymchwil ar draws y Gyfadran.

1. Cyfarpar labordy bach, megis:

• Cymysgwyr fortecs
• Micro-allgyrchyddion
• Dyfeisiau pen-bwrdd y labordy

2. Cyfarpar a ddefnyddir gan un grŵp ymchwil yn bennaf, yn hytrach na chyfleuster a rennir.

3. Cyfarpar a ariennir gan grantiau ymchwil unigol, oni bai bod y Pwyllgor Cyfarpar wedi cytuno'n ffurfiol - cyn y prynwyd y cyfarpar - y caiff ei fabwysiadu fel Cyfarpar Craidd pan ddaw'r grant i ben.

New Energy Lable for Refrigeration

1. Ceir marc CE. Gofynnwch am gopi o ddatganiad o gydymffurfiaeth CE os nad oes un wedi'i roi i chi.
2. Mae’r cyflenwr wedi esbonio at ba ddiben y dyluniwyd y peirianwaith a'r dibenion na ellir ei ddefnyddio ar eu cyfer.
3. Gwnewch yn siŵr bod llawlyfr wedi'i ddarparu a bod hwnnw'n cynnwys cyfarwyddiadau am ddefnyddio’n ddiogel, cydosod, gosod, comisiynu, trin, addasu a chynnal a chadw'n ddiogel a chael gwared â’r cyfarpar ar ddiwedd oes.
4. Gwnewch yn siŵr bod y llawlyfr cyfarwyddiadau wedi'i ysgrifennu mewn iaith rydych chi'n gyfarwydd iawn â hi (neu fod cyfieithiad technegol cymwys ar gael).
5. Gwnewch yn siŵr y darparwyd gwybodaeth am unrhyw risgiau eraill sy’n gysylltiedig â’r peiriant a'r rhagofalon mae angen i chi eu rhoi ar waith i ymdrin â'r rhain, h.y. risgiau trydanol, hydrolig, niwmatig, thermol.
6. Gwiriwch fod data am lefelau sŵn a dirgryniad wedi'i ddarparu a bod hwn wedi cael ei esbonio i chi pan fo angen.
7. Sicrhewch fod unrhyw arwyddion rhybudd yn weladwy ac yn hawdd eu deall.