Arholiad Llafar Uniondeb Academaidd - Gwybodaeth i Fyfyrwyr

Mae Arholiad Llafar Uniondeb Academaidd, neu AIV fel y cyfeirir ato weithiau, yn gyfarfod byr rhwng myfyriwr a dau aelod o staff academaidd lle bydd rhaid i chi ateb cwestiynau am y gwaith rydych chi wedi'i gyflwyno i gael ei asesu.

Efallai y bydd angen i chi fynd i Arholiad Llafar Uniondeb Academaidd os oes gan staff academaidd rai cwestiynau am eich gwaith a phryderon nad chi yw awdur eich gwaith.

Gellir cynnal Arholiad Llafar Uniondeb Academaidd wyneb yn wyneb neu yn rhithwir ar Zoom.  Os cynhelir arholiad llafar ar Zoom, dylech sicrhau bod gennych fynediad at gysylltiad rhyngrwyd dibynadwy a chamera a microffon sy'n gweithio.

Dylech ddod â thystiolaeth o unrhyw waith paratoi i'r Arholiad Llafar, megis drafftiau, ffynonellau ac adborth.  Os gwnaethoch chi dderbyn cymorth trydydd parti gyda'ch gwaith (e.e. defnyddio prawf-ddarllenydd), dylech ddod â chopi o'r gwaith gwreiddiol heb ei addasu. 

Oes, gall ffrind neu gynrychiolydd o Ganolfan Cyngor a Chymorth Undeb y Myfyrwyr ddod gyda chi i'r Arholiad Llafar Canolfan Cyngor a Chymorth Undeb y Myfyrwyr.  Hefyd, gallwch ddod â chyfieithydd i'r Arholiad Llafar.

Os oes gennych unrhyw anhawster wrth ddeall y cwestiynau a ofynnir yn ystod yr arholiad llafar, dylech ofyn am eglurhad.  Gellir ailadrodd neu aralleirio cwestiynau.

Os nad ydych chi'n gallu mynd i'r Arholiad Llafar ar y dyddiad a'r amser a bennir, efallai y bydd modd ei aildrefnu.  Dylech gysylltu â'r aelod staff perthnasol cyn gynted â phosibl, oherwydd gall methu  mynd i'r Arholiad Llafar arwain at benderfyniad yn cael ei wneud ar sail y dystiolaeth sydd ar gael.  Gellir dod i gasgliadau'n ymwneud â methiant i fynd i'r arholiad llafar, a gall eich marciau neu eich canlyniadau dilyniant/dyfarniad gael eu cadw tan i chi ymgysylltu â'r broses.

Oes - Mae cyngor am ddim, cyfrinachol a di-duedd ar gael gan Ganolfan Cyngor a Chymorth Undeb y Myfyrwyr.  Gallwch gysylltu ag Undeb y Myfyrwyr drwy gyflwyno tocyn yn y desg gymorth undeb myfyrwyr.  Fe'ch argymhellir yn gryf i gysylltu ag Undeb y Myfyrwyr cyn gynted â phosibl os oes angen cyngor a chymorth arnoch.

Mae'r Brifysgol yn cynnig amrywiaeth eang o wasanaethau cymorth lles.

• Gwasanaethau Cymorth i Fyfyrwyr
• Cymorth a Lles

Hefyd, mae tîm Hwb ar gael i roi cyngor a chymorth.  Gall myfyrwyr gyflwyno cais ar Service Now neu fynd i'r Hwb.  Gellir dod o hyd i ragor o fanylion ar dudalen Cysylltu â Hwb.

Yn ogystal, fe'ch cynghorir i gysylltu â'ch Tiwtor Personol am gyngor academaidd.

Bydd panel y Viva yn cwblhau adroddiad, ac yn seiliedig ar yr wybodaeth a gasglwyd yn y Viva, bydd yn penderfynu a oes angen cyfeirio eu canfyddiadau am gamymddygiad academaidd posibl.  Byddwch yn cael eich cynghori am y canlyniad dros e-bost maes o law.  Efallai bydd marc eich asesiad yn cael ei gadw yn ystod y cyfnod hwn.

Gellir dod o hyd i ragor o wybodaeth am uniondeb academaidd a'r sesiynau cymorth a gynigir gan y Llyfrgell a'r Ganolfan Llwyddiant Academaidd yn: Uniondeb Academaidd a Chamymddygiad Academaidd.