Ar y dudalen hon, fe welwch atebion i gwestiynau cyffredin am broses y Pwyllgor Ymchwilio ar gyfer camymddwyn academaidd. Mae'n egluro beth i'w ddisgwyl cyn, yn ystod ac ar ôl y gwrandawiad, gan gynnwys gwybodaeth am bresenoldeb, tystiolaeth, cefnogaeth, canlyniadau posibl a'r broses adolygu.
Cynghorir chi i ymgynghori â'r rheoliadau llawn sydd ar gael drwy'r Gweithdrefn Camymddwyn Academaidd.
Mae’n golygu yr amheuir eich bod chi wedi cyflawni camymddygiad academaidd ac mae adroddiad wedi cael ei anfon ymlaen at Swyddog Uniondeb Academaidd sydd wedi penderfynu, yn seiliedig ar y dystiolaeth a gyflwynwyd, fod achos prima facie (h.y. ar yr olwg gyntaf fod achos o gamymddygiad academaidd posib yn eich erbyn.
Gellir dod o hyd i ddiffiniad y Brifysgol o gamymddygiad academaidd yma (gweler pwynt 1).
Caiff yr holl dystiolaeth ei hanfon atoch gyda'r llythyr honiad a bydd hefyd yn cael ei rhannu â'r Panel a'i chyflwyno yn y Pwyllgor Ymchwilio. Gall unrhyw dystiolaeth ychwanegol gael ei chyflwyno i'r Pwyllgor gyda chaniatâd y Cadeirydd; eto, byddwch chi, a'r Panel yn cael copïau o'r dystiolaeth hon.
Mae'r rhan fwyaf o Gyfadrannau’n gofyn i fyfyrwyr gyflwyno copïau electronig o'u gwaith drwy TurnItIn (drwy Canvas). Mae'r feddalwedd hon yn nodi ac yn paru testun â ffynonellau yn ei chronfa ddata.
Gall yr adroddiad TurnItIn ddangos, er enghraifft, eich bod wedi defnyddio gwaith a gyflwynwyd gan fyfyriwr mewn prifysgol arall (na fyddai gennych fynediad ato). Mae hyn oherwydd bod meddalwedd Turnitin yn paru testun sydd heb ei gyfeirnodi yn eich gwaith â'r ffynhonnell gyntaf yng nghronfa ddata TurnItIn, ac nid yw'n nodi'r ffynhonnell yn gywir bob amser. Y peth pwysig yw bod y system yn credu bod y testun wedi cael ei dynnu o ffynhonnell nad yw wedi cael ei chydnabod , yn hytrach na nodi’r ffynhonnell a ddefnyddiwyd go iawn. Felly, os yw eich adroddiad Turnitin yn paru eich gwaith â gwaith myfyriwr mewn prifysgol arall, gall hynny fod oherwydd eich bod chi’ch dau wedi defnyddio’r un ffynhonnell. Y mater pwysig yw a yw’r ffynhonnell rydych chi wedi’i defnyddio wedi cael ei chydnabod/chyfeirnodi. Os oes gennych chi gopïau o’r ffynonellau gwreiddiol rydych chi wedi eu defnyddio, dylech chi ddod â’r rhain gyda chi i’r gwrandawiad.
Oes, e-bostiwch unrhyw dystiolaeth i gefnogi eich achos at y Gwasanaethau Addysg cyn gynted â phosibl (AcademicIntegrity@abertawe.ac.uk). Ni chaniateir cyflwyno tystiolaeth ddogfennol ychwanegol i'r Pwyllgor ar ddiwrnod y gwrandawiad dim ond â chaniatâd penodol y Cadeirydd. Os yw eich tystiolaeth mewn iaith arall heblaw am Saesneg, mae’n rhaid i chi drefnu i'r ddogfen(nau) gael ei chyfieithu. Os yw eich tystiolaeth yn ymwneud ag amgylchiadau meddygol neu bersonol, dylech chi wneud yn siŵr bod dogfennaeth swyddogol yn ategu’r rhain hefyd e.e. tystysgrif feddygol.
Er yr ymdrinnir â’r rhan fwyaf o dramgwyddau camymddygiad academaidd ar lefel y Gyfadran, ymdrinnir ag achosion sy’n ymwneud â myfyrwyr Ymchwil Ôl-raddedig ac achosion a gafwyd ar ôl i radd gael ei dyfarnu gan y Pwyllgor Ymchwilio. Mae Pwyllgorau'n cynnwys tri aelod o Banel Sefydlog a ddewiswyd o blith y staff academaidd.
Mae Pwyllgorau Ymchwilio’r Brifysgol fel arfer yn delio â'r achosion canlynol:
Os ydych chi'n ansicr pam rydych chi wedi cael eich cyfeirio at sylw un o bwyllgorau’r Brifysgol, cysylltwch â'r Gwasanaethau Addysg am ragor o wybodaeth yn academicintegrity@abertawe.ac.uk.
Nac oes, does dim rhaid i chi ddod i’r gwrandawiad. Fodd bynnag, oherwydd difrifoldeb yr honiad fe’ch argymhellir yn gryf i ddod. Mae’r rhan fwyaf o fyfyrwyr yn dewis dod i wrandawiadau ac achub ar y cyfle i gyflwyno eu hachos. Os nad ydych chi’n dymuno dod, gallwch chi ddewis unigolyn arall i’ch cynrychioli chi yn y cyfarfod, a’ch cyfrifoldeb chi yw trefnu hyn. Er enghraifft, gallwch chi drefnu i aelod o Ganolfan Gyngor Undeb y Myfyrwyr eich cynrychioli chi yn y gwrandawiad. Fel arall, efallai byddwch chi am gyflwyno eich achos yn ysgrifenedig.
Fel arfer, disgwylir i chi ddod i’r cyfarfod ar y dyddiad a nodir. Fodd bynnag, mewn amgylchiadau eithriadol, gellir gohirio'r cyfarfod unwaith. Cysylltwch â'r Gwasanaethau Addysg (AcademicIntegrity@abertawe.ac.uk) cyn gynted â phosibl os hoffech drafod gohiriad.
Bydd, os ydych chi wedi rhoi gwybod i ni nad ydych chi am ddod, bydd y gwrandawiad yn cael ei gynnal yn eich absenoldeb . Os nad ydyn ni’n clywed gennych chi ac rydyn ni wedi gwneud pob ymdrech i gysylltu â chi, bydd y cyfarfod yn cael ei gynnal yn eich absenoldeb.
Gallwch, mae'r rheoliadau'n caniatáu i chi gael eich cynrychioli neu i chi ddod â rhywun gyda chi i'r cyfarfod. Er enghraifft, gallech ddewis dod â ffrind gyda chi i'ch cefnogi, aelod o staff neu aelod o wasanaeth cynghori Undeb y Myfyrwyr (ewch i Cyflwyno tocyn: Desg Gymorth i gyflwyno cais am gymorth). Gofynnir i chi anfon enw'r unigolyn a fydd yn dod gyda chi at y Gwasanaethau Addysg cyn gynted â phosibl.
Gall myfyrwyr ofyn am gael dod â chynrychiolydd cyfreithiol gyda nhw. Mewn achosion o'r fath, dylai'r myfyriwr gysylltu â Chyfarwyddwr y Gwasanaethau Addysg. Mae gan Gyfarwyddwr y Gwasanaethau Addysg y disgresiwn llwyr i dderbyn neu wrthod cais, a bydd ei benderfyniad yn derfynol.
Na, nid yw'r Brifysgol yn darparu cyfieithwyr. Caiff y gwrandawiad ei gynnal yn Saesneg (neu’n Gymraeg ar gais). Mae'n rhaid i fyfyrwyr sy'n dymuno cael y gwrandawiad yn Gymraeg roi gwybod i AcademicIntegrity@abertawe.ac.uk am eu cais wrth gael eu hysbysu am ddyddiad y gwrandawiad er mwyn i Swyddfa Iaith Gymraeg y Brifysgol drefnu gwasanaethau cyfieithu. I'r holl fyfyrwyr eraill sydd ag anawsterau ieithyddol, gallwch drefnu i rywun gyfieithu ar eich rhan.
Oes, mae cyngor a chymorth cyfrinachol a diduedd ar gael am ddim ar gyfer camymddygiad academaidd gan Ganolfan Cyngor a Chymorth Undeb y Myfyrwyr, lle gallwch greu tocyn a dewis y categori "Cyngor a Chymorth" o'r gwymplen. Am gyngor ar y rheoliadau neu drafodion y Pwyllgor, dylech chi gysylltu â’r aelod staff o’r Gwasanaethau Addysg sydd wedi’i grybwyll yn eich llythyr.
Bydd tri aelod ar Banel y Pwyllgor Ymchwilio, a bydd aelod o'r Gwasanaethau Addysg yn cymryd cofnodion yn y cyfarfod ac yn cynghori ar y rheoliadau. Hefyd, gellir galw ar dystion i gyflwyno tystiolaeth.
Gall tystion fod yn aelodau staff o'ch Ysgol/Cyfadran neu eich maes pwnc. Rhoddir cyfle i chi ofyn cwestiynau i unrhyw dystion sy’n dod i’r gwrandawiad a byddant yn gadael ar ôl iddynt gael eu cwestiynu.
Gall Swyddog Uniondeb Academaidd yr Ysgol/Gyfadran neu Gadeirydd y Pwyllgor ofyn i dystion ddod i’r gwrandawiad. Caniateir i chi ofyn i dystion gefnogi eich achos hefyd. Rhaid i chi drefnu eich tystion eich hun a dylech chi anfon eu henwau at academicintegrity@abertawe.ac.uk cyn gynted â phosib.
Gellir galw aelodau o’ch Cyfadran/Ysgol fel tystion neu gallant ddod yn gwmni i chi.
Bydd y Cadeirydd yn:
Gallwch, er bod cyfarfod y Pwyllgor yn wrandawiad ffurfiol, bydd y Cadeirydd yn gwneud pob ymdrech i wneud i chi deimlo’n gyffyrddus. Os bydd gennych chi gwestiynau yn ystod y gwrandawiad, o ran y trafodion neu’r achos ei hun, mae croeso i chi eu gofyn. Gallwch chi ofyn cwestiynau i dystion hefyd.
Byddwch, unwaith y mae’r achos yn eich erbyn wedi cael ei gyflwyno, fe’ch gwahoddir i roi esboniad.
Gallwch, dylech chi roi gwybod i’r Pwyllgor am unrhyw amgylchiadau lliniarol neu bersonol a allai fod yn gysylltiedig â’r tramgwydd neu â chi eich hun. Dylid darparu dogfennaeth ategol hefyd e.e. tystysgrif feddygol. Pe baech wedi rhoi gwybod am amgylchiadau o'r fath i'r Pwyllgor, cyn gwneud y penderfyniad, ni ellir cyfeirio at yr amgylchiadau hynny yn ddiweddarach fel rheswm dros gynnal adolygiad.
Bydd y Pwyllgor yn penderfynu a yw’n credu bod achos o gamymddygiad academaidd wedi cael ei ganfod neu beidio . Bydd naill ai’n cytuno bod yr achos wedi’i gadarnhau (profwyd bod camymddygiad academaidd wedi’i gyflawni) neu heb ei gadarnhau (ni phrofwyd yr achos). Mewn rhai amgylchiadau, efallai bydd y Pwyllgor am ohirio gwneud penderfyniad tan y bydd tystiolaeth ychwanegol yn cael ei chyflwyno.
Bydd Cadeirydd y Pwyllgor yn rhoi gwybod i chi ar ddechrau’r cyfarfod a fydd y Pwyllgor yn eich hysbysu chi am y canlyniad ar yr un diwrnod drwy eich gwahodd yn ôl i’r cyfarfod unwaith y mae penderfyniad wedi cael ei wneud neu a fyddwch chi’n cael gwybod yn ysgrifenedig o fewn yr ychydig ddyddiau nesaf. Anfonir llythyr at yr holl fyfyrwyr gan y Gwasanaethau Addysg i roi gwybod iddynt yn swyddogol am y canlyniad.
Os yw’r Pwyllgor yn credu nad oes achos yn eich erbyn, ni fydd cofnod o’r camymddygiad academaidd ar eich cofnod.
Os yw’r Pwyllgor yn credu bod camymddygiad academaidd wedi cael ei gyflawni, bydd yn penderfynu ar gosb. Fe’ch anogir i gyfeirio at y tablau cosb yn y rheoliadau am restr lawn o gosbau. Caiff y gosb ei chofnodi ar eich cofnod canolog. Bydd canlyniad y gwrandawiad yn cael ei roi i'ch Cyfadran/Ysgol a fydd yn cadarnhau eich penderfyniad/penderfyniad dyfarniad yng nghyfarfod nesaf y Bwrdd Arholi.
Mewn rhai achosion, gall hyn effeithio ar eich gallu i ymarfer mewn proffesiwn penodol e.e. os ydych chi’n fyfyriwr yn y Gyfraith. Bydd Pennaeth eich Cyfadran/Ysgol yn penderfynu a ddylid rhoi gwybod i’r Corff Proffesiynol.
Pan fydd y Pwyllgor Ymchwilio wedi ymchwilio i ffeithiau'r camymddygiad academaidd honedig, yn ei adroddiad, bydd yr Ysgrifennydd yn nodi a brofwyd yr honiad ai peidio a bydd yn nodi unrhyw gosb i'w rhoi. Dylid cyflwyno'r adroddiad i'r Senedd cyn gynted â phosib ar ôl i'r Ymchwiliad gael ei gwblhau.
Byddwch yn cael gwybod am y canlyniad hwn ac yn cael manylion y Weithdrefn Adolygiad Terfynol.
Bydd y Senedd yn gwneud penderfyniad am yr achos gan gynnwys unrhyw benderfyniad i ddirymu cymhwyster os bydd angen.
Byddwch yn cael gwybod am benderfyniad y Senedd drwy lythyr. Os caiff eich dyfarniad ei ddirymu, bydd rhaid i chi ddychwelyd tystysgrif eich dyfarniad.
Mewn rhai achosion, gall hyn effeithio ar eich gallu i ymarfer mewn proffesiwn penodol e.e. os ydych chi’n fyfyriwr yn y Gyfraith. Mae'n rhaid i chi roi gwybod i'r corff proffesiynol lle bo hynny'n briodol.
Gallwch, gallwch wneud cais i'r penderfyniad gael ei adolygu dan reoliadau Adolygiad Terfynol y Brifysgol. Gellir ystyried ceisiadau am adolygiad terfynol ar y seiliau canlynol yn unig:
Gellir dod o hyd i ragor o wybodaeth am yr Adolygiad Terfynol yn: Gweithdrefn Adolygiad Terfynol - Prifysgol Abertawe
