Eich Cyfrif

Cyn i chi am y tro cyntaf, dylech lawrlwytho'r ap Microsoft Authenticator ar ddyfais symudol e.e. ffôn clyfar neu dabled, ac nid y ddyfais y byddwch yn ei defnyddio fel arfer er mwyn gweithio neu astudio e.e. eich Cyfrifiadur Personol neu'ch gliniadur.

Gwnewch yn siŵr eich bod yn galluogi'r hysbysiadau ar eich dyfais symudol.

Mae'r ap Microsoft Authenticator ar gael yn Google Play ac Apple App Store. Bydd yr eicon, ar ôl ei lawrlwytho, yn ymddangos fel hyn:

Er mwyn i MFA weithio, mae'n rhaid i'r ap Microsoft Authenticator aros wedi'i osod ar eich dyfais. Os byddwch yn ei dileu, ac nid oes gennych ddull dilysu wrth gefn wedi'i sefydlu, ni fyddwch yn derbyn y negeseuon proc y mae eu hangen er mwyn cadarnhau eich hunaniaeth.

Y tro cyntaf y byddwch yn mewngofnodi, bydd angen i chi ddefnyddio'ch cyfeiriad e-bost myfyriwr Prifysgol (eich rhif myfyriwr@abertawe.ac.uk) fel enw defnyddiwr, a'r cyfrinair dros dro rydych eisoes wedi'i dderbyn.

Dylech fewngofnodi i'ch cyfrif am y tro cyntaf drwy fynd i hwb.swansea.ac.uk a chlicio ar yr eicon Mewngofnodi.

Ar ôl mewngofnodi'n llwyddiannus, bydd gofyn i chi newid eich cyfrinair. Nid yw hyn yn ddewisol. Dewiswch gyfrinair cryf ag o leiaf 8 llythyren sy'n ystyrlon i chi, ond yn anodd ei ddyfalu.

Dyma rai awgrymiadau ar gyfer dewis cyfrineiriau cryf:

• Dewiswch gymysgedd o 3 i 4 gair
• Peidiwch â defnyddio un gair (e.e., Abertawe)
• Peidiwch â dewis cyfrinair gwan (e.e. cynnwys y geiriau cyfrinair, Abertawe neu eiriau sy'n gysylltiedig â chi fel enwau'r teulu)
• Peidiwch â defnyddio ymadrodd poblogaidd (e.e. gadfimewn)

Os nad ydych yn gosod cyfrinair digon cryf, bydd yn cael ei wrthod. Ni fydd eich cyfrinair yn newid a byddwch yn cael rhoi cynnig arno eto nes i chi fodloni’r gofynion. Dylai’r arweiniad uchod eich galluogi i ddewis cyfrinair priodol.

Sefydlu dull dilysu aml-ffactor.

Rwyf am ychwanegu ail ddull dilysu.

Ar ôl i chi sefydlu MFA bydd modd i chi ddefnyddio'r Hunanwasanaeth Ailosod Cyfrinair (SSPR).

Os ydych wedi anghofio eich cyfrinair neu'n amau bod eich manylion wedi'u peryglu, defnyddiwch y ddolen hon: https://passwordreset.microsoftonline.com/

Os ydych yn gwybod eich cyfrinair ond hoffech ei newid, defnyddiwch y ddolen hon: https://account.activedirectory.windowsazure.com/ChangePassword.aspx

Os oes arnoch angen rhagor o gymorth neu gyngor ar ddulliau dilysu eraill, cysylltwch â'r Desg Wasanaeth Digidol.

Ar ôl i chi sefydlu MFA bydd modd i chi ddefnyddio'r Hunanwasanaeth Ailosod Cyfrinair (SSPR).

Os ydych wedi anghofio eich cyfrinair neu'n amau bod eich manylion wedi'u peryglu, defnyddiwch y ddolen hon: https://passwordreset.microsoftonline.com/

Os ydych yn gwybod eich cyfrinair ond hoffech ei newid, defnyddiwch y ddolen hon: https://account.activedirectory.windowsazure.com/ChangePassword.aspx