Apeliadau Academaidd

AR GYFER POB RHAGLEN A ADDYSGIR A PHOB RHAGLEN YMCHWIL

Gwybodaeth Bwysig

Ni fwriedir i'r weithdrefn hon gael ei defnyddio i ystyried cwynion gan fyfyrwyr. Dylai myfyrwyr sydd am gwyno ddefnyddio Gweithdrefnau Cwynion y Brifysgol. Os yw ymgeiswyr am ofyn i farciau unigol gael eu gwirio, dylent ddefnyddio'r weithdrefn Cywirdeb Marciau a Gyhoeddwyd.

Mae’r gweithdrefnau hyn yn berthnasol i fyfyrwyr sy’n dymuno apelio yn erbyn penderfyniad a wnaed gan Fwrdd Arholi.

Gall myfyrwyr gyflwyno apêl academaidd yn unol â Gweithdrefnau Apeliadau Academaidd y Brifysgol, yn seiliedig ar amgylchiadau iechyd neu amgylchiadau personol eithriadol eraill nad ydynt yn gysylltiedig â'r boicot marcio ac asesu. Nid yw apêl a gyflwynir ar sail sy'n gysylltiedig â'r boicot marcio ac asesu neu gymhwyso'r Rheoliadau Eithriadol yn unig yn debygol o fod yn llwyddiannus.

Os ydych yn teimlo eich bod yn gymwys, bod gennych reswm dros apelio, ac eich bod o fewn y terfynau amser, bydd angen i chi gwblhau’r Ffurflen apêl academaidd .

Bydd angen cyflwyno’r Ffurflen Gais am Apêl, ynghyd ag unrhyw dystiolaeth i gefnogi’r cais trwy e-bostio studentcases@swansea.ac.uk. Gan fod staff yn gweithio o bell ar hyn o bryd, ni allwn dderbyn ffurflenni apêl neu unrhyw ddogfennaeth/ohebiaeth drwy’r post.

Cynghorir myfyrwyr hefyd i ddarllen y ddogfen Apeliadau Academaidd Cwestiynau Cyffredin sy’n darparu rhagor o wybodaeth am ddyddiadau cau allweddol ar gyfer cyflwyno apeliadau a sut y penderfynir ar yr apeliadau.

Os oes gennych gwestiynau ar y weithdrefn neu’r rheoliadau, cysylltwch â’r Tîm Achosion Myfyrwyr, a fydd yn hapus i ateb ymholiadau sydd gennych, drwy e-bost: studentcases@abertawe.ac.uk.

Yn ogystal â hyn, mae Canolfan Gyngor Undeb y Myfyrwyr ar gael i gynorthwyo ac i gynghori myfyrwyr. I drefnu apwyntiad i weld rhywun yn Undeb y Myfyrwyr gallwch chi gysylltu â'r Ganolfan Gyngor drwy borth newydd i fyfyrwyr http://hello.swansea-union.co.uk/ lle gallwch godi tocyn a dewis y categori - Cyngor a Chymorth o'r gwymplen.

Dyddiadau Ystyriaethau Arbennig

Er bod gan fyfyrwyr dri mis i gyflwyno apêl yn dilyn cyhoeddi canlyniadau asesiadau atodol mis Awst ar y fewnrwyd, os wyt ti’n fyfyriwr MBBCh sydd a am gyflwyno apêl mewn perthynas â pharhau â'th astudiaethau (er enghraifft, os wyt ti wedi cael dy dynnu'n ôl o'r Brifysgol ac rwyt ti am gyflwyno apêl am gael y cyfle i ail-wneud y lefel astudio) yn ystod Sesiwn Academaidd 26/27, bydd angen i ti gyflwyno dy apêl gerbron y Gwasanaethau Academaidd erbyn y dyddiadau a nodir isod gan fod yr addysgu i fod i ddechrau ar 1 Medi 2026:

Math o fyfyriwr	Dyddiad cau ar gyfer cyflwyno apêl
MBBCh (Meddygaeth i Raddedigion) blynyddoedd 1 a 2*	28 Awst 2026

* Gwybodaeth bwysig i fyfyrwyr Cydymaith Meddygol (blynyddoedd 1 a 2) yn unig:

Bydd canlyniadau terfynol eich arholiadau atodol yn cael eu cyhoeddi ar y fewnrwyd ar 28 Gorffennaf 2026, mae gennych fis o'r dyddiad hwn h.y.: tan 28 Awst 2026 i gyflwyno apêl academaidd. Mae'r Gyfadran Meddygaeth, Iechyd a Gwyddor Bywyd yn gofyn i chi fod yn ymwybodol o'r cyfle asesu nesaf sydd ar gael ar gyfer yr asesiad yr effeithir arno. Er enghraifft, os byddwch yn cyflwyno apêl academaidd am drydydd ymgais, arnoch chi mae'r cyfrifoldeb i gyflwyno'ch Apêl Academaidd mewn pryd er mwyn sicrhau y gellir ystyried eich Apêl a bod penderfyniad yn cael ei roi i chi o leiaf 4 wythnos cyn dyddiad yr asesiad. Os yw apêl academaidd yn llwyddiannus bydd trydydd ymgais yn cael ei gymeradwyo ar gyfer y cyfle asesu nesaf.

1. Cyflwyniad

Diffinnir apêl academaidd fel cais i ofyn am adolygiad o benderfyniad gan gorff academaidd sy’n gyfrifol am wneud penderfyniadau ynghylch dilyniant, asesu a dyfarniadau myfyrwyr. Dim ond yr unigolion eu hunain sy’n cael cyflwyno apêl; ni all cynrychiolydd, rhiant neu unrhyw drydydd parti arall gyflwyno apêl (oni bai bydd modd dangos bod rhesymau da pam na all y myfyriwr gyflwyno'r apêl ei hun).

Pan fydd apêl academaidd yn cynnwys cwyn hefyd neu, yn yr un modd, pan fydd cwyn yn cynnwys apêl, mae’n bosibl y bydd y Gwasanaethau Addysg yn newid categori'r apêl neu'r gŵyn (pa gam bynnag a gyrhaeddwyd) a’i phrosesu dan y rheoliad neu’r weithdrefn mwyaf perthnasol os yw hyn yn debygol o arwain at ganlyniad mwy priodol ar gyfer yr unigolyn/unigolion sy’n apelio neu sy'n cwyno. Bydd y Gwasanaethau Addysg yn hysbysu'r ymgeisydd yn ysgrifenedig (drwy e-bost) os penderfynir newid y categori.

Mae'r Brifysgol yn disgwyl i'r holl bartïon ymddwyn mewn modd rhesymol a theg a dangos parch at ei gilydd Os na chaiff apêl ei chadarnhau, hysbysir yr ymgeisydd am y rhesymau dros y penderfyniad.

2. Cymhwysedd

Mae'r gweithdrefnau hyn ar gael i ymgeiswyr sydd wedi cofrestru gyda'r Brifysgol, p’un a ydynt yn astudio neu'n byw dramor (gan gynnwys y rhai hynny sy'n dilyn rhaglen gydweithredol gyda sefydliad partner), neu'n cymryd rhan mewn lleoliadau gwaith neu ddysgu seiliedig ar waith, ac ymgeiswyr sydd wedi gohirio eu hastudiaethau ar sail dros dro. Mae'r gweithdrefnau hyn yn berthnasol hefyd i gyn-fyfyrwyr Prifysgol Abertawe sydd wedi tynnu'n ôl o'u rhaglen, neu sydd wedi cwblhau eu rhaglen, ar yr amod bod yr apêl yn cael ei chyflwyno o fewn 3 mis ar ôl derbyn penderfyniad y Bwrdd Arholi sy’n destun yr apêl.

Mae’r gweithdrefnau apelio hyn yn berthnasol i ymgeiswyr sy’n dymuno apelio yn erbyn penderfyniad a wnaed gan Fwrdd Dilyniant a Dyfarniadau yn yr amgylchiadau canlynol:

Ymgeiswyr sy’n cael eu rhwystro rhag parhau â’u hastudiaethau ar ganol lefel astudio neu ran o raglen.
Ymgeiswyr sy’n methu cymhwyso i symud ymlaen i gam nesaf eu rhaglen ar ddiwedd lefel, ar ddiwedd rhan neu ar ddiwedd blwyddyn.
Pan allai goblygiadau’r penderfyniad dilyniant a wnaed gan y Bwrdd Arholi gael effaith sylweddol ar ganlyniadau cyffredinol y myfyriwr (e.e. capio marciau).
Ymgeiswyr sydd wedi cwblhau eu rhaglen ond sy’n dymuno apelio yn erbyn y canlyniad, neu ymgeiswyr sy’n anfodlon bod y Brifysgol wedi dyfarnu cymhwyster ymadael iddynt.

2.1

Seiliau ar gyfer Apêl

2.2

Caiff profiad a gwybodaeth myfyriwr, perfformiad y myfyriwr ac a yw wedi cyrraedd y safon academaidd ofynnol, ac ymwybyddiaeth o arfer gorau mewn addysg uwch eu cyfuno i alluogi arholwr i wneud penderfyniad academaidd ar allu myfyriwr. Barn academaidd yw penderfyniad y staff academaidd ar ansawdd gwaith academaidd neu'r meini prawf a ddefnyddir i farcio gwaith (yn hytrach na'r broses farcio weinyddol). Ni fydd apeliadau academaidd sy'n herio'r farn academaidd hon yn cael eu hystyried. Ni fydd apeliadau academaidd sy'n herio'r farn academaidd hon yn cael eu hystyried - mae hyn yn cynnwys siom ymgeisydd gyda chanlyniad lle mae marciau wedi'u cofnodi'n gywir, rheoliadau asesu wedi'u dilyn yn gywir a lle nad oes unrhyw dystiolaeth o afreoleidd-dra perthnasol yn bodoli.

2.3

Ni fydd apeliadau yn erbyn penderfyniadau gan Bwyllgorau Amgylchiadau Arbennig Cyfadrannau/Ysgolion (neu Bwyllgor priodol), Pwyllgor Partneriaethau Cydweithredol neu Fwrdd Rheoliadau ac Achosion Academaidd y Brifysgol (neu ei enwebai), mewn perthynas ag amgylchiadau esgusodol fel arfer yn cael eu hystyried.

2.4

Bydd y Brifysgol yn ystyried apeliadau academaidd sy’n seiliedig ar un neu fwy o’r rhesymau canlynol yn unig:

2.4.1

Diffygion neu afreoleidd-dra wrth gynnal yr asesiad, neu yn y cyfarwyddiadau ysgrifenedig neu yn y cyngor a oedd yn ymwneud â'r uchod, na chawsant eu hystyried yn llawn gan yr arholwyr. 

Os na thynnwyd sylw’r arholwyr at y rhain ar adeg arholi/cyflwyno'r gwaith, rhaid i ymgeisydd gyflwyno rheswm cymhellol dros beidio â dod â'r rhain at sylw ei Gyfadran/Ysgol ar yr adeg honno.

2.4.2

Amgylchiadau esgusodol (yn unol â'r diffiniad yn y Polisi ar Amgylchiadau Esgusodol sy'n Effeithio ar Asesu) nad oedd yr Arholwyr yn ymwybodol ohonynt ac a effeithiodd yn niweidiol ar berfformiad academaidd yr ymgeisydd. Mae'n rhaid i ymgeiswyr ddarparu esboniad, ynghyd â thystiolaeth ategol, i ddangos:

(i) Bod gan yr ymgeisydd amgylchiadau esgusodol ar adeg yr asesiad yr effeithiwyd arno; a
(ii) Bod yr amgylchiadau esgusodol wedi cael effaith niweidiol ar berfformiad academaidd yr ymgeisydd yn yr asesiad yr effeithiwyd arno; ac
(iii) Roedd yr Ymgeisydd:

(a) yn methu penderfynu a oedd yn ddigon iach i ymgymryd â'r asesiad; a/neu
(b) roedd gan yr ymgeisydd reswm da dros beidio â hysbysu'r Gyfadran/Ysgol/Sefydliad Partner Cydweithredol am ei amgylchiadau ar yr adeg berthnasol (gweler Adrannau 2.5 a 2.6).

2.5

Yn unol â rheoliadau'r Brifysgol, disgwylir i ymgeiswyr gyflwyno cais i'w Cyfadran/Hysgol/Sefydliad Partner Cydweithredol, ynghyd â thystiolaeth o unrhyw amgylchiadau personol a allai fod wedi cael effaith niweidiol ar eu hastudiaethau, yn unol â'r Polisi ar Amgylchiadau Esgusodol sy'n Effeithio ar Asesu. Yn achos arholiadau, rhaid cyflwyno ceisiadau o'r fath yn unol â'r polisi ac erbyn y dyddiadau cau a nodir. Fel arfer, ni fydd apêl academaidd ar sail 'amgylchiadau esgusodol newydd' nad yw wedi'i chyflwyno i'r Gyfadran/yr Ysgol yn unol â'r polisi a nodir, ac erbyn y dyddiad cau a nodir, yn cael ei hystyried.

Disgwylir i ymgeiswyr sy'n astudio ar y rhaglenni canlynol gyflwyno ceisiadau am amgylchiadau esgusodol i'w Cyfadran/Hysgol yn unol â'r gweithdrefnau a'r terfynau amser a nodir yn llawlyfr eu Cyfadran/Hysgol. Rhoddir blaenoriaeth i'r rhain dros bolisi'r Brifysgol ar Amgylchiadau Esgusodol sy'n Effeithio ar Asesu ar gyfer y rhaglenni hyn:

• MBBCh Meddygaeth;
• Cwrs Ymarfer Cyfreithiol;
• LLM - Rhaglen Meistr a Addysgir Hyblyg

Yn achos myfyrwyr ymchwil, disgwylir i fyfyrwyr hysbysu eu goruchwylwyr am amgylchiadau a allai effeithio ar eu hastudiaethau wrth iddynt godi er mwyn iddynt gael eu hystyried yn briodol a/neu er mwyn cymryd camau priodol. Pan fydd arholiad llafar (ymchwil) gan yr ymgeisydd, disgwylir i'r ymgeisydd hysbysu'r Bwrdd Arholi am unrhyw amgylchiadau esgusodol a allai effeithio ar ei arholiad. Ni fydd apeliadau academaidd sy’n seiliedig ar amgylchiadau esgusodol y gellid bod wedi tynnu sylw’r Bwrdd Arholi atynt cyn yr arholiad llafar yn cael eu hystyried.

2.6

Bernir na fyddai'r ymgeisydd wedi gallu asesu a oedd yn ddigon iach i ymgymryd â'r asesiad, a/neu fod ganddo reswm da dros beidio â rhoi gwybod i'r Gyfadran/yr Ysgol/Sefydliad Partner Cydweithredol am ei amgylchiadau ar yr adeg briodol, pan fydd ymgeisydd yn darparu tystiolaeth ysgrifenedig briodol i ddangos:

(a) Bod unrhyw un o'r amgylchiadau esgusodol canlynol wedi effeithio arno

• Iselder ysbryd difrifol.
• Problemau iechyd meddwl difrifol.
• Cyfnod fel claf mewn lleoliad seiciatrig.
• Marwolaeth perthynas agos (a ddiffinnir fel rhiant/llys-riant/prif ofalwr yr ymgeisydd, brawd neu chwaer/llysfrawd neu lyschwaer, partner/priod, mab neu ferch/llysfab/llysferch/plentyn maeth.)
• Ymosodiad rhywiol difrifol.
• Camesgoriad
• Diagnosis o salwch angheuol yn yr ymgeisydd a/neu berthynas agos (a ddiffinnir fel rhiant/llys-riant/prif ofalwr yr ymgeisydd, brawd neu chwaer/llysfrawd neu lyschwaer, partner/priod, mab neu ferch/llysfab/llysferch/plentyn maeth).
• Salwch/anaf a oedd yn peryglu bywyd yr ymgeisydd neu fywyd perthynas agos (a ddiffinnir fel rhiant/llys-riant/prif ofalwr yr ymgeisydd, brawd neu chwaer/llysfrawd neu lyschwaer, partner/priod, mab neu ferch/llysfab/llysferch/plentyn maeth) a oedd yn cynnwys arhosiad yn yr ysbyty.
• Datgeliad diweddar i'r Heddlu mewn perthynas â cham-drin rhywiol hanesyddol.
• Datgeliad diweddar i'r Heddlu mewn perthynas â cham-drin domestig/rheolaeth drwy orfodaeth ac

(b) Nad oedd yr amgylchiadau uchod wedi digwydd ynghynt na thri mis calendr cyn y dyddiad cyflwyno/arholi ar gyfer yr asesiad dan sylw.

Nid yw'r uchod yn rhwystro ymgeisydd rhag cyflwyno apêl sy'n seiliedig ar unrhyw fath o amgylchiadau esgusodol ac amgylchiadau a gododd ynghynt na thri mis cyn y dyddiad cyflwyno/arholi ar gyfer yr asesiad dan sylw ar yr amod y bodlonir y meini prawf yn Adran 2.4.6.

2.7

Fel arfer, ni chaniateir i ymgeiswyr y caniatawyd asesiadau atodol iddynt gyflwyno apêl yn erbyn y penderfyniad hwnnw.

3. Cyflwyno Apêl Academaidd a Therfynau Amser

3.1

Rhaid cyflwyno'r holl apeliadau yn erbyn penderfyniadau academaidd drwy e-bostio studentcases@abertawe.ac.uk gan ddefnyddio'r Ffurflen Apeliadau Academaidd. Dylai myfyrwyr gwblhau'r Ffurflen Apeliadau Academaidd yn Saesneg neu Gymraeg.Mae rhagor o wybodaeth ac eglurhad am y gweithdrefnau hyn ar gael gan y Gwasanaethau Addysg hefyd.

3.2

Os yw ymgeiswyr yn dymuno apelio yn erbyn penderfyniad a wneir gan Fwrdd Dilyniant a Dyfarniadau Diwedd Lefel/Rhan, rhaid iddynt gyflwyno'r apêl o fewn tri mis ar ôl cael gwybod am benderfyniad y Bwrdd Arholi perthnasol (h.y. y dyddiad y cyhoeddir y canlyniad academaidd ar y fewnrwyd neu'r dyddiad mae'r Gyfadran/yr Ysgol/y Sefydliad Partner Cydweithredol yn hysbysu'r ymgeisydd amdano mewn ffordd arall). Felly, ni ddylai ymgeiswyr aros nes iddynt gael dyfarniad/cymhwyster ymadael i apelio yn erbyn penderfyniad a wnaed gan Fwrdd Dilyniant a Dyfarniadau yn ystod Lefel/Rhan gynharach. Dyma enghreifftiau penodol:

Byddai angen i ymgeisydd israddedig sydd am apelio yn erbyn ei farciau Blwyddyn 2 gyflwyno apêl o fewn tri mis ar ôl cael gwybod am benderfyniad y Bwrdd Dilyniant a Dyfarniadau Lefel 5;
Byddai angen i ymgeisydd Meistr Ôl-raddedig a Addysgir sydd am apelio yn erbyn marciau ei fodiwlau a addysgir gyflwyno apêl o fewn tri mis ar ôl cael gwybod am benderfyniad y Bwrdd Dilyniant a Dyfarniadau sy’n cadarnhau'r marciau hyn a'r penderfyniad o ran dilyniant.

Ni fydd y Brifysgol fel arfer yn ystyried apeliadau academaidd a gyflwynir mwy na 3 mis ar ôl i’r ymgeisydd gael gwybod am benderfyniad y Bwrdd Dilyniant a Dyfarniadau perthnasol, oni bai bod yr ymgeisydd yn dangos bod rheswm cymhellol pam mae'r apêl wedi cael ei chyflwyno'n hwyr.

3.3

Os na dderbynnir apêl o fewn y terfyn amser a bennwyd, fel rheol caiff yr apêl ei thrin fel un nad yw'n gymwys i'w hystyried ar y sail ei bod 'allan o amser' oni bai bod yr ymgeisydd yn gallu dangos rheswm cymhellol dros beidio â chyflwyno'r apêl o fewn y terfyn amser.

3.4

Rhaid cyflwyno'r holl apeliadau naill ai yn Gymraeg neu Saesneg.

Rhaid i'r apêl gynnwys:

Y sail ar gyfer yr apêl. Gweler Adran 2.
Y canlyniad y mae’r ymgeisydd yn dymuno ei gael (er enghraifft, cais penodol am ganiatâd i sefyll arholiadau atodol). Rhaid bod modd caniatáu'r canlyniad a ddymunir o fewn y rheoliadau cyfredol.
Manylion am yr elfen neu’r elfennau astudio yr effeithiwyd arnynt (er enghraifft côd y modiwl, aseiniad, arholiad a dyddiad asesu) a manylion am effaith yr amgylchiadau ar yr elfennau astudio penodol.
Mae angen dogfennaeth lawn i gadarnhau amgylchiadau esgusodol neu honiadau (er enghraifft: tystysgrif feddygol/iechyd, tystysgrif marwolaeth, llythyr cefnogol gan wasanaeth cymorth yn y Brifysgol). Rhaid bod y dystiolaeth a ddarperir wedi’i dyddio, rhaid iddi esbonio sut effeithiodd yr amgylchiadau ar y perfformiad academaidd, rhaid iddi fod yn berthnasol i'r asesiad yr effeithiwyd arno a rhaid iddi ddangos nad oedd yr ymgeisydd yn gallu asesu a oedd yn ddigon iach i ymgymryd â'r asesiad a/neu fod ganddo reswm da dros beidio â rhoi gwybod i'r Gyfadran/yr Ysgol/y Sefydliad Partner Cydweithredol am ei amgylchiadau ar yr adeg berthnasol yn unol â'r Polisi ar Amgylchiadau Esgusodol sy'n Effeithio ar Asesu.
Lle cyflwynir tystiolaeth wreiddiol mewn iaith ar wahân i Gymraeg neu Saesneg, rhaid i'r myfyriwr ddarparu cyfieithiadau Saesneg sydd wedi'u hardystio.

Mae'r Brifysgol yn cydnabod y gall fod yn anodd i fyfyrwyr gasglu tystiolaeth yn y sefyllfa bresennol, gan nodi'r pwysau presennol ar y gwasanaethau iechyd a rhai eraill, a gwneir pob ymdrech i ystyried ceisiadau gyda chydymdeimlad. Efallai y byddwn yn gofyn i chi ddarparu rhagor o dystiolaeth os bydd ei hangen.

4. Cadarnhau Cysondeb y Weithdrefn

4.1

Cyn ystyried unrhyw apêl, bydd enwebai Cyfarwyddwr y Gwasanaethau Addysg (y cyfeirir ato o hyn ymlaen fel yr enwebai) yn sicrhau bod y Bwrdd Dilyniant a Dyfarniadau wedi'i gyfansoddi'n briodol, a’i fod wedi ymgymryd â’i fusnes yn y modd priodol (h.y. yn unol â’r Rheoliadau Academaidd). Pan na chynhaliwyd cyfarfodydd yn gywir, bydd yr enwebai yn gwneud trefniadau i ailystyried yr holl benderfyniadau y gellid bod wedi effeithio arnynt.

5. Cam 1 - Hidlo Cychwynnol Apeliadau

5.1

Bydd y Gwasanaethau Addysg yn ysgrifennu at yr ymgeisydd o fewn 5 niwrnod gwaith i gydnabod eu bod wedi derbyn apêl. Anfonir y gydnabyddiaeth at yr ymgeisydd drwy e-bost a bydd yn cynnwys trosolwg cyffredinol o'r weithdrefn apelio ynghyd ag amcangyfrif o'r amserlen ar gyfer penderfynu ar yr apêl.

5.2

Ar ôl iddynt gael eu cydnabod, caiff yr holl apeliadau eu hystyried i ddechrau gan enwebai/enwebeion priodol y Gwasanaethau Addysg, gan gyfeirio'n benodol at:

Yr wybodaeth a'r dystiolaeth a ddarparwyd gan yr ymgeisydd yn ei Apêl Academaidd;
A yw'r apêl ddim yn gymwys i'w hystyried ar y sail ei bod 'allan o amser' yn unol ag Adrannau 3.2 a 3.3;- A yw'r apêl ddim yn gymwys i'w hystyried ar y sail nad oedd y penderfyniad sy'n cael ei apelio yn ei erbyn wedi'i wneud gan Fwrdd Dilyniant a Dyfarnu; P'un a yw'r apêl yn cynnwys cwyn, gellir ailddosbarthu hon fel cwyn a'i phrosesu o dan y rheoliad neu'r weithdrefn mwyaf perthnasol os yw hyn yn debygol o arwain at ganlyniad mwy priodol i'r ymgeisydd;
A yw'r apêl ddim yn gymwys i'w hystyried ar y sail nad yw'n manylu ar unrhyw un o'r seiliau dros apelio yn unol ag Adran 2.4. Nid ystyrir bod y canlynol yn rhesymau dros apelio:
- Amau barn academaidd neu broffesiynol yr arholwyr.
- Siom ymgeisydd gyda chanlyniad lle mae’r marciau wedi eu cofnodi’n gywir, mae’r rheoliadau asesu wedi eu dilyn yn gywir, a lle nad oes tystiolaeth o anghysondeb materol.

5.3

Os caiff apêl ei thrin fel un nad yw'n gymwys i'w hystyried neu os caiff ei hailddosbarthu fel cwyn o dan Adran 5.2, bydd yr ymgeisydd yn cael gwybod am y canlyniad hwn drwy lythyr (a fydd yn cael ei e-bostio at yr ymgeisydd) a bydd yn cael gwybod am ei hawl i ofyn am adolygiad terfynol o'r canlyniad hwn o dan y Weithdrefn Adolygu Terfynol. Lle bo'n ymarferol, anfonir llythyr canlyniad at yr ymgeisydd o fewn 30 niwrnod gwaith i ddyddiad derbyn yr apêl neu dderbyn unrhyw dystiolaeth a ofynnir i gefnogi'r apêl. Anfonir copi o'r llythyr canlyniad at Ysgol/Cadeirydd y Bwrdd Arholi/enwebai’r Sefydliad Partner Cydweithredol.

5.4

Bydd y Brifysgol/Sefydliad Partner Cydweithredol yn hysbysu'r awdurdodau perthnasol (noddwyr/awdurdodau addysg lleol a/neu Fisâu, Awdurdodau Addysg Cenedlaetholi a Mewnfudo'r Deyrnas Unedig) am ganlyniad yr apêl pan fo'n briodol.

6. Cam 2 – Ystyriaeth o Apeliadau gan y Panel Apeliadau

6.1

Oni bai bod yr apêl yn cael ei thrin fel un nad yw'n gymwys i'w hystyried neu ei bod yn cael ei hailddosbarthu fel cwyn yn unol ag Adran 5.2 uchod, yna caiff yr apêl ei hystyried a'i phenderfynu yn unol â Cham 2 gan banel o ddau aelod o staff y Gwasanaethau Addysg sydd wedi'u hyfforddi'n briodol ac sydd â phrofiad priodol, y cyfeirir atynt fel y Panel Apêl.

6.2

Bydd y Panel Apêl yn ystyried yr apêl gan gyfeirio'n benodol at:

Yr wybodaeth a'r dystiolaeth a ddarparwyd gan yr ymgeisydd yn ei Apêl Academaidd a'r canlyniad i'r apêl academaidd a geisir gan yr ymgeisydd;
Gwybodaeth a ddarparwyd gan Ysgol/Cyfadran/Sefydliad Partner Cydweithredol yr ymgeisydd;
Y rheoliadau asesu ar gyfer rhaglen/lefel astudio'r ymgeisydd ac a yw'r canlyniad a geisir gan yr ymgeisydd yn gydnaws â'r rheoliadau asesu hyn;
Proffil Academaidd yr ymgeisydd;
Unrhyw gyfyngiadau a bennir gan asiantaethau allanol megis cyrff proffesiynol.

Gall y Panel Apêl gysylltu â'r Gyfadran/Ysgol/Sefydliad Partner Cydweithredol perthnasol, y Swyddfa Anableddau, neu'r Gwasanaethau Lles, fel y bo'n briodol, i ofyn am wybodaeth ychwanegol.

Gall y Panel Apeliadau gysylltu â'r Gyfadran/yr Ysgol/Sefydliad Partner Cydweithredol briodol, y Swyddfa Anabledd neu'r Gwasanaethau Lles, fel y bo'n briodol, i ofyn am wybodaeth ychwanegol.

6.3

Gall y Panel Apeliadau wrthod unrhyw apêl nad yw'n manylu ar y rhesymau a restrir yn Adran 2.4, neu pan nad oes tystiolaeth i gefnogi’r apêl.

6.4

Nid ystyrir bod y canlynol yn rhesymau dros apelio:

Pan nad yw'r apêl yn gymwys i'w hystyried yn unol ag Adran 5.2;
Lle mae'r ymgeisydd wedi rhoi gwybod am ei amgylchiadau esgusodol drwy gyflwyno cais am amgylchiadau esgusodol ar gyfer yr asesiad (asesiadau) perthnasol yn unol â'r Polisi ar Amgylchiadau Esgusodol sy'n Effeithio ar Asesu ac mae'r cais wedi cael ei gymeradwyo neu ei wrthod gan y Gyfadran/yr Ysgol/y Sefydliad Partner Cydweithredol.
Pan hysbyswyd y Bwrdd Dilyniant a Dyfarniadau'r Brifysgol, am amgylchiadau esgusodol a rhoddwyd ystyriaeth lawn i'r amgylchiadau hynny.
Pan na chyflwynodd y myfyriwr dystiolaeth o’i amgylchiadau esgusodol yn unol â'r Polisi ar Amgylchiadau Esgusodol sy'n Effeithio ar Asesu.
Pan nad yw'r dystiolaeth a gyflwynwyd i ategu apêl yn seiliedig ar amgylchiadau esgusodol yn cefnogi'r honiad bod gan yr ymgeisydd amgylchiadau esgusodol ar yr adeg berthnasol.
Pan nad yw'r dystiolaeth a gyflwynwyd mewn perthynas ag apêl yn seiliedig ar amgylchiadau esgusodol yn ategu'r honiad nad oedd yr ymgeisydd yn gallu penderfynu a oedd yn ddigon iach i ymgymryd â'r asesiad, a/neu fod ganddo reswm da dros beidio â rhoi gwybod am ei amgylchiadau ar yr adeg berthnasol.
Pan nad yw'r dystiolaeth a gyflwynwyd gyda’r apêl yn seiliedig ar amgylchiadau esgusodol yn ategu’r honiad bod gan yr ymgeisydd amgylchiadau esgusodol sy'n bodloni adran 2.6.

6.5

Os yw'r Panel Apeliadau wedi gwrthod apêl ymgeisydd, bydd yn hysbysu'r ymgeisydd yn ysgrifenedig pan fo'n ymarferol (drwy e-bost) o fewn 30 o ddiwrnodau ar ôl dyddiad derbyn yr apêl neu ddyddiad derbyn unrhyw dystiolaeth y gofynnwyd amdani i ategu'r apêl. Pan nad yw’r amserlen hon yn ymarferol, darperir i’r ymgeisydd amcangyfrif amser diwygiedig ar gyfer ystyried ei apêl a'i hysbysu am y canlyniad. Bydd yr hysbysiad o wrthod yn cynnwys crynodeb byr o'r rhesymau dros y penderfyniad. Os nad yw'n ymarferol darparu crynodeb o'r rhesymau dros wrthod ar yr un pryd â'r hysbysiad am y penderfyniad a wnaed, darperir y rhesymau cyn gynted ag sy'n ymarferol wedi hynny. Er mwyn osgoi ansicrwydd, ni fydd methiant i ddarparu hysbysiad o wrthod yn unol â'r amserlen berthnasol yn gyfystyr â derbyn bod yr ymgeisydd wedi gwneud apêl ddilys o dan y rheoliadau hyn.

Bydd y Brifysgol yn hysbysu’r awdurdodau perthnasol (noddwyr, awdurdodau addysg lleol a/neu Fisâu a Mewnfudo'r Deyrnas Unedig) am ganlyniad yr apêl pan fo'n briodol.

6.6

Pan fo'r Panel Apeliadau'n penderfynu bod yr apêl yn seiliedig ar y rhesymau a restrir yn 2.4 a bod tystiolaeth gymhellol i ategu'r apêl, bydd y Panel Apeliadau'n ystyried yr apêl ac yn penderfynu arni yn unol ag Adran 7.

7. Pwerau'r Panel Apeliadau

7.1

Bydd y Panel Apeliadau yn ystyried (lle mae'n berthnasol i'r apel):

A oes tystiolaeth o ddiffygion neu anghysondeb yn y modd y cynhaliwyd yr arholiad neu mewn cyfarwyddiadau ysgrifenedig, neu mewn cyngor yn eu cylch sydd, oherwydd eu natur, yn peri amheuaeth resymol ynghylch a fyddai’r Bwrdd Dilyniant a Dyfarniadau wedi gwneud yr un penderfyniad pe na bai’r diffyg neu’r anghysondeb hwnnw wedi digwydd ac mae'r ymgeisydd wedi darparu rheswm cymhellol dros beidio â dod â'r diffygion neu'r anghysondebau hyn at sylw'r Gyfadran/yr Ysgol/Sefydliad Partner Cydweithredol;
A gyflwynwyd manylion ynghylch amgylchiadau esgusodol perthnasol a effeithiodd ar ymddygiad neu berfformiad yr ymgeisydd yn unol â'r Polisi ar Amgylchiadau Esgusodol sy'n Effeithio ar Asesu;
A gymerwyd camau priodol o ran yr amgylchiadau esgusodol;
A yw'r dystiolaeth a ddarparwyd gan yr ymgeisydd yn ategu'r honiad nad oedd yn gallu penderfynu a oedd yn ddigon iach i ymgymryd â'r asesiad a/neu fod ganddo reswm da dros beidio â rhoi gwybod i'r Gyfadran/yr Ysgol/Sefydliad Partner Cydweithredol am ei amgylchiadau ar yr adeg briodol.
A yw'r dystiolaeth a ddarparwyd gan yr ymgeisydd yn ategu'r honiad bod gan yr ymgeisydd amgylchiadau esgusodol sydd o fewn cwmpas adran 2.6;
A oes gan yr amgylchiadau esgusodol dan sylw unrhyw berthnasedd i'r achos (h.y. cawsant effaith niweidiol ar berfformiad academaidd yr ymgeisydd yn yr asesiad yr effeithiwyd arno);
A oedd penderfyniad y Bwrdd Arholi o’r fath natur na fyddai pobl resymol wedi gwneud y cyfryw benderfyniad.

7.2

Os yw’r Bwrdd Apeliadau Academaidd yn fodlon ar y materion uchod, gall gymryd un o’r camau gweithredu canlynol:

Yng ngoleuni’r amgylchiadau, a chan roi ystyriaeth briodol i ddymuniadau’r Gyfadran(Cyfadrannau)/yr Ysgol(ion)/Sefydliad Partner Cydweithredol perthnasol a/neu Gadeirydd y Bwrdd Dilyniant a Dyfarniadau perthnasol, gall gefnogi'r apêl a newid penderfyniad y Bwrdd Dilyniant a Dyfarniadau.
Yng ngoleuni’r amgylchiadau, gall gefnogi’r apêl ac argymell y dylai’r achos gael ei ailystyried gan y Bwrdd Dilyniant a Dyfarniadau gwreiddiol gan roi arweiniad cryf ynghylch canlyniad posib.
Yng ngoleuni’r amgylchiadau, gall gefnogi’r apêl ac argymell y dylai Bwrdd Dilyniant a Dyfarniadau hollol newydd ailystyried penderfyniad y Bwrdd blaenorol.
Yng ngoleuni’r amgylchiadau, gall gefnogi’r apêl a rhoi caniatâd i’r ymgeisydd ailysgrifennu’r traethawd ymchwil a’i ailgyflwyno i’w ailarholi gan y Bwrdd Arholi gwreiddiol o fewn terfyn amser penodol (yn benodol ar gyfer graddau ôl-raddedig).
Yng ngoleuni’r amgylchiadau, gall gefnogi’r apêl a rhoi caniatâd i’r ymgeisydd ailysgrifennu’r traethawd ymchwil a’i ailgyflwyno i’w ailarholi gan Fwrdd Arholi hollol newydd o fewn terfyn amser penodol (yn benodol ar gyfer graddau ôl-raddedig).
Os canfyddir bod holl amgylchiadau achos ymgeisydd yn hysbys ac y cymerwyd y camau priodol, neu nad oedd yr amgylchiadau esgusodol yn berthnasol i'r achos, gall y Panel Apeliadau wrthod yr apêl, ac felly gadarnhau penderfyniad y Bwrdd Dilyniant a Dyfarniadau.
Os canfyddir nad yw'r dystiolaeth yn ategu'r honiad nad oedd yr ymgeisydd yn gallu penderfynu a oedd yn ddigon iach i ymgymryd â'r asesiad a/neu fod ganddo reswm da dros beidio â rhoi gwybod i'r Gyfadran/Ysgol am ei amgylchiadau ar yr adeg berthnasol, ac nad oedd felly reswm cymhellol dros beidio â datgelu'r amgylchiadau ar yr adeg briodol, gall y Panel Apeliadau wrthod yr apêl ac felly cadarnhau penderfyniad y Bwrdd Arholi.k
Mewn achosion priodol, gallai’r Panel Apeliadau ofyn i ymgeiswyr ohirio eu hastudiaethau pan ystyrir ei bod yn amhriodol dweud wrth yr ymgeisydd i dynnu'n ôl.
Os oes angen gwybodaeth bellach ar y panel cyn y gall bennu canlyniad, gall y Cadeirydd ohirio ystyried yr achos nes y daw gwybodaeth ychwanegol i law.
Sylwer, nid oes gan y Panel Apeliadau hawl i newid marciau ymgeisydd mewn modiwl a/neu ddosbarthiad ei radd ar sail amgylchiadau esgusodol. Nod unrhyw asesiad yw mesur cyflawniad, nid potensial. Mae'r marciau a ddyfernir yn adlewyrchiad cywir o berfformiad, felly ni fyddant yn cael eu newid ar sail amgylchiadau esgusodol. Os cefnogir apêl ar sail amgylchiadau esgusodol, gellir rhoi cyfle arall i'r ymgeisydd ymgymryd â'r asesiad(au) dan sylw, heb gapio'r marciau o bosib.
Gellir cymryd camau gweithredu eraill fel y bo’n briodol.

7.3

Wrth wneud ei benderfyniad, mae’n rhaid i’r Panel Apeliadau gadw mewn cof unrhyw gyfyngiadau a osodwyd gan asiantaethau allanol megis cyrff proffesiynol.

7.4

Dylai myfyrwyr rhyngwladol y mae angen fisa arnynt i astudio yn y Brifysgol fod yn ymwybodol bod parhad eu hastudiaethau yn y Brifysgol yn ddibynnol ar fodloni amodau eu fisâu a'r terfynau amser a bennir gan Fisâu a Mewnfudo y DU (UKVI). I gael mwy o wybodaeth, gweler Fisâu a Mewnfudo - Prifysgol Abertawe.

Gwneir penderfyniadau gan y Brifysgol mewn perthynas â statws cofrestru ymgeisydd, perfformiad academaidd, dilyniant a dyfarniadau yn unol â rheoliadau academaidd ac ariannol y Brifysgol ac ni chânt eu llywio gan gyfyngiadau fisa a therfynau amser a bennir gan Fisâu a Mewnfudo y DU. Fodd bynnag, mae parhad astudiaethau yn amodol ar fodloni gofynion y Brifysgol a meddu ar fisa ddilys. Dylai myfyrwyr sydd ag unrhyw bryderon neu ymholiadau ynghylch eu fisâu e-bostio Cyngor ar Fisâu.

7.5

Yn dilyn unrhyw ailarholi traethawd ymchwil dan baragraff 8.2 pwyntiau 4 a 5 uchod, bydd y Bwrdd Arholi, yn ei ddoethineb, yn penderfynu a ddylid argymell bod yr ymgeisydd yn cael un cyfle arall i ailgyflwyno’r traethawd ymchwil, naill ai am y ffi lawn neu am ffi ostyngol.

7.6

Pan fo traethawd ymchwil yn cael ei ailarholi o ganlyniad i bwynt 5 dan baragraff 8.2 uchod, penodir arholwr/arholwyr allanol newydd. Ni ddarperir unrhyw wybodaeth i arholwyr allanol ynghylch yr arholiad blaenorol ar wahân i’r ffaith eu bod yn ailarholi gwaith yr ymgeisydd yn dilyn apêl.

7.7

Gall y Panel Apeliadau, fel amod unrhyw ganlyniad, ofyn bod ymgeisydd yn darparu tystiolaeth i'r Brifysgol Abertawe/Sefydliad Partner Cydweithredol i ddangos ei addasrwydd neu fel arall i barhau â'i astudiaethau neu i ddychwelyd iddynt.

8. Statws Ymgeisydd Yn Ystod Apêl

8.1

Bydd ymgeisydd sy’n cyflwyno apêl ar ganol lefel, blwyddyn neu ran, yn gallu parhau ar sail dros dro hyd nes y gwneir penderfyniad. Mae hyn er mwyn sicrhau na fydd ymgeisydd y mae ei apêl yn cael ei chefnogi yn ddiweddarach dan anfantais academaidd. Bydd presenoldeb ar leoliadau clinigol yn ôl doethineb y Gyfadran/yr Ysgol.

8.2

Ni chaiff ymgeisydd sy’n cyflwyno apêl ar ddiwedd lefel, blwyddyn neu ran o raglen astudio symud ymlaen i’r lefel, y flwyddyn neu’r rhan nesaf tan y gwneir penderfyniad. Fodd bynnag, yn ôl disgresiwn y Gyfadran/yr Ysgol/Sefydliad Partner Cydweithredol, gellir caniatáu i ymgeisydd fod yn bresennol yn anffurfiol mewn sesiynau addysgu ar y lefel neu'r rhan nesaf wrth aros am apêl. Nid ystyrir bod ymgeiswyr o'r fath wedi cofrestru ar y lefel neu'r rhan nesaf, ac ni fydd y Brifysgol Abertawe/Sefydliad Partner Cydweithredol yn atebol am unrhyw gostau sy'n codi yn ystod y presenoldeb anffurfiol hwn. Gwneir penderfyniadau enwebai neu enwebeion y Gwasanaethau Addysg/Panel Apeliadau er lles academaidd gorau'r myfyriwr, heb ystyried unrhyw gyfnodau o bresenoldeb anffurfiol.

8.3

Hysbysir ymgeiswyr sy’n parhau â’u hastudiaethau, gan ddibynnu ar ganlyniad unrhyw apêl, ei bod yn bosibl y bydd gofyn iddynt dynnu’n ôl o'r rhaglen neu’r Brifysgol/Sefydliad Partner Cydweithredol.

8.4

Caniateir i ymgeisydd yr ystyrir ei fod yn gymwys am ddyfarniad ac sydd wedyn yn cyflwyno apêl i raddio. Fodd bynnag, ni roddir dyfarniad hyd nes bod canlyniad yr Apêl yn hysbys.

9. Opsiynau sydd ar gael i'r Ymgeisydd yn Dilyn Penderfyniad Enwebai neu Enwebeion y Gwasanaethau Addysg/Panel Apeliadau

9.1

Gall ymgeisydd gyflwyno cais am adolygiad terfynol o ganlyniad yr apêl yn unol â Rheoliadau Adolygiadau Terfynol y Brifysgol.

9.2

Mewn achosion pan newidiwyd penderfyniad y Bwrdd Dilyniant a Dyfarniadau o blaid yr ymgeiswyr, fel arfer ni all ymgeiswyr ofyn am adolygiad terfynol yn erbyn y penderfyniad hwnnw. Fodd bynnag, gall ymgeiswyr ofyn i’r penderfyniad gwreiddiol gael ei gadarnhau os dymunant.

10. Ad-dalu Costau

10.1

Waeth beth yw’r canlyniad, nid ad-delir unrhyw gostau i'r ymgeisydd y bu’n rhaid eu talu wrth gyflwyno cais am apêl.

11. Adrodd, Monitro, Gwerthuso ac Adolygu

11.1

Bydd enwebai neu enwebeion y Gwasanaethau Addysg/Panel Apeliadau, fel y bo'n briodol, yn cyfeirio unrhyw bwynt o egwyddor gyffredinol neu bryder sy'n codi wrth wrando ar achos penodol at y Bwrdd Achosion Myfyrwyr.

11.2

Bydd y Gwasanaethau Addysg yn cadw cronfa ddata o apeliadau academaidd a wnaed yn ystod pob sesiwn academaidd ac yn cyflwyno gwybodaeth ystadegol yn ymwneud ag apeliadau i’r Bwrdd Achosion Myfyrwyr yn flynyddol. Cyfrifoldeb y Bwrdd Achosion Myfyrwyr fydd monitro'r data a gwneud argymhellion fel y bo'n briodol.

11.3

Y Bwrdd Rheoliadau, Ansawdd a Safonau fydd yn gyfrifol am adolygu’r Rheoliadau sy’n berthnasol i Apeliadau Academaidd a’u heffeithiolrwydd ac am wneud argymhellion ar gyfer newidiadau, pan fo’n briodol, i’w hystyried gan y Senedd.

12. Hygyrchedd

12.1

Gall myfyrwyr ofyn am addasiadau rhesymol i'r gweithdrefnau yn unol â’r Ddeddf Cydraddoldeb. Bydd ceisiadau’n cael eu hystyried fesul un a’u cadarnhau i’r myfyriwr yn ysgrifenedig.