Gwyddor Gofal Iechyd

Croeso /Welcome

Ar ran y tîm Gwyddor Gofal Iechyd cyfan, ym Mhrifysgol Abertawe a chan ein cydweithwyr yn y GIG, hoffwn eich llongyfarch ar sicrhau lle gyda ni i astudio un o'n rhaglenni Gwyddor Gofal Iechyd. Mae'r tîm yn edrych ymlaen at weithio gyda chi dros y tair blynedd nesaf a gobeithiwn y bydd y rhaglenni'n ysgogol, yn heriol, yn wobrwyol ac yn rhoi boddhad i chi. Rydym oll yn edrych ymlaen at gwrdd â chi yn yr wythnos sefydlu, lle cewch groeso cynnes gan y tîm.

gradd Clywedeg

gradd mewn Ffisioleg Gardiaidd

gradd Meddygaeth Niwclear

gradd Niwroffisioleg 

Ffiseg Radiotherapi

Ffiseg Ymbelydredd

astudio Ffisioleg Anadlu a Chysgu

Peirianneg Adsefydlu 

Cyfarwyddwr Rhaglen- Barry Bardsley

Drwy gydol ein rhaglenni gradd rydym yn gweithio i ddarparu cyfleoedd i’n myfyrwyr yn yr Ysgol, y ddinas ac o’i chwmpas, gyda’n partneriaid yn y diwydiant a chyfeirio at gyfleoedd rhyngwladol sydd ar gael i chi. Ein ffocws i chi yw eich barod ar gyfer y byd gwaith. I gael gwybod am y cyfleoedd a gewch yn yr Ysgol edrychwch ar ein tudalen we Menter a Chyflogadwyedd Myfyrwyr.

Fel myfyriwr ym Mhrifysgol Abertawe, byddwch yn cael y cyfle i ymgysylltu â diwydiant, cymryd cyfleoedd lleoliad a chwblhau profiad gwaith, fel eich bod yn gwbl barod ar gyfer y byd gwaith pan fyddwch yn ein gadael. Mae'r broses hon yn cael ei hwyluso gan y tîm Gyrfaoedd a Chyflogadwyedd sy'n anelu at ddarparu cyngor gyrfaoedd a chyfleoedd cyflogaeth i gyd dan yr un to.

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd Personol yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd Personol hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.