Llyfr Coginio Gŵyl y Darlun Ehangach
Oes gennych chi rysáit teuluol ffefrynnol, pryd sydd bob amser yn bresennol mewn dathliadau, neu bryd sy'n eich atgoffa o gartref? Fel rhan o Ŵyl y Darlun Ehangach, rydym yn creu Llyfr Coginio Diwylliannol arbennig i ddathlu amrywiaeth anhygoel ein cymuned o fyfyrwyr, a byddem wrth ein bodd i chi fod yn rhan ohono. Rhannwch rysáit sy'n adlewyrchu eich diwylliant, treftadaeth neu draddodiadau, a helpwch ni i adrodd y straeon sy'n dod â phobl at ei gilydd drwy fwyd.
Boed yn rysáit teuluol gwerthfawr sydd wedi'i throsglwyddo drwy'r cenedlaethau, pryd sy'n ganolog i ddathliad crefyddol neu ddiwylliannol, neu'n syml yn bryd sy'n golygu rhywbeth arbennig i chi, rydym am glywed amdano. Mae croeso i chi hefyd gynnwys y stori y tu ôl i'ch rysáit, gan roi cipolwg i eraill ar ei harwyddocâd a'r atgofion neu'r traddodiadau sy'n gysylltiedig â hi.
Bydd pob rysáit yn cael ei hystyried i'w chynnwys yn y llyfr coginio, a bydd cyfle i fyfyrwyr bleidleisio dros eu ffefrynnau. Bydd y rysáit fuddugol yn cael ei ail-greu gan Brif Gogydd y Brifysgol, gan roi cyfle unigryw i un myfyriwr lwcus gymryd rhan mewn profiad arbennig 'Coginio gyda Carl'. Bydd yr enillydd hefyd yn derbyn £30 o gredyd arlwyo.
I gystadlu, anfonwch e-bost gyda'ch rysáit, ynghyd ag unrhyw stori neu gefndir yr hoffech ei rannu, i student-engagement@swansea.ac.uk cyn dydd Gwener 30 Hydref. Rydym yn edrych ymlaen yn fawr at ddarganfod y blasau, y traddodiadau a'r straeon sy'n gwneud ein cymuned mor unigryw.
-(12).jpg)
-(10).jpg)