Adeiladau a Thiroedd

Ar wahân i adeiladau'r llyfrgell, mae llawer o leoedd eraill ar ein campysau lle gallwch chi ddod o hyd i fan tawel i astudio.

Edrychwch ar ein canllaw ar-lein i fannau astudio ar y campws yma.

Mae ein tiroedd Baner Werdd hyfryd ar agor i bawb ac yn cynnig amgylchedd therapiwtig i chi ymlacio ynddo a'i fwynhau. Gallwch archwilio ein tiroedd a'n mannau awyr agored yma.

Mae ein timau'n gyfrifol am sicrhau bod holl adeiladau'r campws yn gweithredu'n hwylus.

Ar draws ein campysau, rydym yn gofalu am fwy nag 85 o adeiladau. Mae pump o'r rhain yn adeiladau rhestredig ac mae Abaty Singleton yn dyddio'n ôl i 1784. Rydym yn rheoli 15 man arlwyo, yn gwasanaethu dros 10 cyfleuster chwaraeon gwahanol ar Barc Chwaraeon Bae Abertawe ac yn rheoli o leiaf 10 adeilad preswyl.

Ein nod yw cynnal a chadw ein hadeiladau a'n cyfleusterau i'r safon uchaf bosib, gan weithio tuag at nodau uchelgeisiol o ran diogelwch, cynaliadwyedd a hygyrchedd.

Gwresogi ein Hadeiladau

Yn unol â'n hymrwymiad i fod yn brifysgol ddi-garbon erbyn 2035, rydym yn gwresogi ein hadeiladau rhwng 1 Hydref a 30 Ebrill bob blwyddyn. Gallwch chi ddarllen ein polisi gwres a chysur yma.

Rydym am i bawb allu manteisio i'r eithaf ar fywyd yn y Brifysgol a theimlo'n hyderus yn defnyddio ein campysau, ein cyfleusterau a'n gwasanaethau.

Rydym yn ymrwymedig i greu amgylchedd cynhwysol lle gall myfyrwyr astudio, gweithio, cymdeithasu a chael cymorth heb rwystrau diangen. Fel rhan o'r ymrwymiad hwn, rydym yn adolygu ac yn gwella ein hadeiladau, ein cyfleusterau a'n mannau awyr agored yn rheolaidd er mwyn gwneud ein campysau mor hygyrch â phosib.

Cynllunio Eich Ymweliad gydag AccessAble

I'ch helpu i baratoi cyn cyrraedd y campws, rydym wedi cydweithio ag AccessAble i greu canllawiau hygyrchedd manwl i lawer o'n hadeiladau, ein gwasanaethau a'n cyfleusterau. Mae'r canllawiau hyn yn cynnig gwybodaeth ymarferol i'ch helpu i ddeall beth i'w ddisgwyl a chynllunio eich taith ymlaen llaw.

Byddwch yn gweld gwybodaeth am:

• Fynedfeydd hygyrch a llwybrau heb risiau
• Lleoliadau parcio a gollwng teithwyr
• Lifftiau a thoiledau hygyrch
• Mannau addysgu, astudio, chwaraeon a chymdeithasu
• Cynlluniau adeiladau a nodweddion hygyrchedd eraill

P'un a ydych chi'n newydd i'r Brifysgol, yn ymweld ag adeilad am y tro cyntaf neu mae gennych ofynion mynediad penodol, gall y canllawiau eich helpu i ddod o hyd i'ch ffordd o gwmpas ein campysau â mwy o hyder.

Gweld y Canllawiau AccessAble

Ein Hymrwymiad Parhaus

Mae gwella hygyrchedd yn rhan bwysig o sut rydym yn datblygu ein campysau. Rydym yn parhau i ystyried bod hygyrchedd yn rhan o waith cynnal a chadw a phrosiectau adnewyddu a gwella'r campysau, gan helpu i sicrhau bod ein hystad yn datblygu i ddiwallu anghenion ein cymuned amrywiol.

 Os oes gennych adborth ar sut gallwn wella hygyrchedd ar ein campysau, byddem wrth ein boddau’n clywed gennych. E-bostiwch campusdevelopment@abertawe.ac.uk.

Mae ein tîm yn rheoli rhaglen brysur o waith cynnal a chadw a datblygu i sicrhau bod ein hadeiladau a'n gwasanaethau'n gweithredu'n ddiogel ac yn hwylus a'u bod yn diwallu anghenion ein cymuned.

Rydym yn gweithio'n agos gyda'n partneriaid adeiladu i sicrhau bod unrhyw brosiectau gwaith ar y campws yn cael eu rheoli mewn modd diogel a chyfrifol gan darfu cyn lleied â phosib ar fywyd ar y campws.

Gallwch gael gwybodaeth am waith ar y campws, gan gynnwys gwaith cynnal a chadw ac adnewyddu, lifftiau nad ydynt yn gweithredu a gwasanaethau sydd ar gau yma