Gofal Mamolaeth

Annwyl fyfyriwr HECert Gofal Mamolaeth,

Mae'n bleser gennyf dy groesawu i astudio'r cwrs HECert Gofal Mamolaeth gyda ni ym Mhrifysgol Abertawe.  Mae'r tîm yn ymroddedig i gefnogi a rhannu dy daith ddysgu unigryw yn ystod y flwyddyn nesaf. Rydyn ni'n falch iawn bod, bob blwyddyn, ein myfyrwyr yn dod yn unigolion gwybodus sy'n ymroddedig i ddarparu gwasanaeth sy'n holistig, yn canolbwyntio ar fenywod ac yn diwallu anghenion y Gwasanaeth Iechyd Gwladol.

Byddi di'n astudio'r elfen ddamcaniaeth o'th radd ar Gampws Singleton sy'n gyfeillgar, yn fywiog, yn amrywiol ac yn gynhwysol a byddi di'n cael cyfle i ymgymryd â dysgu ar leoliad mewn ystod eang o amgylcheddau a meysydd clinigol.

Fel tîm rydyn ni'n dy groesawu i'n teulu bydwreigiaeth ynghyd â'th holl gydweithwyr newydd yn dy garfan.

Dymuniadau gorau ac edrychaf ymlaen at gwrdd â thi ym mis Medi.

 Anneka Bell

Cyfarwyddwr Rhaglen, Tystysgrif Addysg Uwch mewn Gofal Mamolaeth

Anneka Bell - Cyfarwyddwr Rhaglen ac arweinydd modiwl SHM128

Lucy Evans  - Arweinydd modiwl SHM111

Sophie Cunnigham Arweinydd modiwl SHM100 AND SHM112

Leanne Daniel - Arweinydd modiwl SHM127

Holly Morse - Arweinydd modiwl SHM129                                                                                                                                                                                   

Sharon Jones- Arweinydd modiwl SHM135

Drwy gydol ein rhaglenni gradd rydym yn gweithio i ddarparu cyfleoedd i’n myfyrwyr yn yr Ysgol, y ddinas ac o’i chwmpas, gyda’n partneriaid yn y diwydiant a chyfeirio at gyfleoedd rhyngwladol sydd ar gael i chi. Ein ffocws i chi yw eich barod ar gyfer y byd gwaith. I gael gwybod am y cyfleoedd a gewch yn yr Ysgol edrychwch ar ein tudalen we Menter a Chyflogadwyedd Myfyrwyr.

Fel myfyriwr ym Mhrifysgol Abertawe, byddwch yn cael y cyfle i ymgysylltu â diwydiant, cymryd cyfleoedd lleoliad a chwblhau profiad gwaith, fel eich bod yn gwbl barod ar gyfer y byd gwaith pan fyddwch yn ein gadael. Mae'r broses hon yn cael ei hwyluso gan y tîm Gyrfaoedd a Chyflogadwyedd sy'n anelu at ddarparu cyngor gyrfaoedd a chyfleoedd cyflogaeth i gyd dan yr un to.

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.