Deall eich Canlyniadau

Pan fyddwch yn gweld eich canlyniadau, mae'r Penderfyniad Lefel yn nodi eich canlyniad cyffredinol ar gyfer y flwyddyn. Nesaf at eich penderfyniad, gallwch hefyd weld esboniad ar gyfer y penderfyniad sy'n rhoi gwybodaeth i chi am eich canlyniad. Cliciwch ar y testun glas sy'n dweud 'Gellir gweld esboniad o'ch penderfyniad drwy glicio fan hyn'. 

Mae crynodeb byr o'r rheolau asesu ar gyfer pob lefel astudio ar gael.

Os oes gennych chi fodiwl gyda chanlyniad  ‘QF’, mae hyn yn golygu eich bod chi wedi methu  cymhwyso i basio'r modiwl hyd yn oed os yw eich marc cyffredinol ar gyfer y modiwl uwchben y trothwy marc pasio. Bydd hyn oherwydd bod cydran o'r modiwl y mae'n rhaid i chi ei phasio neu ennill marc penodol ynddo cyn i chi allu symud ymlaen neu gael eich gradd. Y rheswm bod angen pasio neu ennill marc penodol mewn cydrannau penodol yw sicrhau bod deilliannau dysgu penodol ar gyfer y modiwl yn cael eu bodloni.Os oes gennych chi fodiwl sydd wedi'i nodi â ‘QF’, allwch chi ddim ei ddigolledu.

Na allwch, nid yw Prifysgol Abertawe yn caniatáu ail-sefyll dewisol.

Os byddwch chi'n ailsefyll modiwl rydych chi wedi'i fethu ac yn ennill marc is, bydd y Brifysgol yn defnyddio'r ‘Egwyddor Marc Gorau’ a bydd eich marc asesu gwreiddiol yn cael ei gynnwys ar eich trawsgrifiad ac ar gyfer cyfrifo eich lefel/dyfarniad.

Caiff marciau modiwlau eu cyfrifo drwy roi’r pwysoliad penodol a ddynodir i farc pob cydran. 

Enghraifft:

Marc Modiwl = (56 x 0.7) + (62 x 0.1) + (69 x 0.2) = 39.2 + 6.2 + 13.8 = 59.2

Mae eich cyfartaledd ar gyfer y flwyddyn yn cynnwys marciau'r holl fodiwlau sy'n dwyn credydau. Rhoddir y pwysoliad perthnasol i bob modiwl yn ôl ei werth o ran credydau h.y. bydd modiwl 20 credyd yn cyfrannu cymaint ddwywaith at eich cyfartaledd am y flwyddyn â modiwl 10 credyd.

Gweler tudalennau ein rheoliadau asesu i gael manylion ynghylch sut caiff eich gradd ei chyfrifo. 

Gweler ein tudalen we Opsiynau Ail-wneud Lefel Astudio.

Os hoffech apelio yn erbyn penderfyniad a gymerwyd gan Fwrdd Arholi'r Brifysgol, gallwch gyflwyno Ffurflen Apêl Academaidd i Y Tîm Achosion Myfyrwyr ar ôl i'ch canlyniad diwedd y flwyddyn gael ei gyhoeddi. Darllenwch dudalen cyngor ar Apeliadau Academaidd y Brifysgol a chysylltwch â Chanolfan Gyngor Undeb y Myfyrwyr am gymorth gyda'ch cais.

Rhaglenni Israddedig a Rhaglenni Ôl-raddedig a ddechreuodd ym mis Medi: Ar gyfer myfyrwyr ar raglenni israddedig a rhaglenni ôl-raddedig a ddechreuodd ym mis Medi, mae'r holl ganlyniadau o Semester 1 yn ganlyniadau dros dro, a ni chânt eu cadarnhau tan i ganlyniadau terfynol y flwyddyn gael eu rhyddhau ym mis Gorffennaf. Ar ôl inni ryddhau canlyniadau terfynol sydd wedi'u cadarnhau, os ydych chi'n meddwl efallai nad ydynt yn gywir, bydd gennych ddewis i ofyn am ymholiad Cywirdeb y Marciau a Gyhoeddwyd ym mis Gorffennaf.Nid yw’r broses hon ar gael tan ar ôl inni ryddhau canlyniadau ym mis Mehefin/Gorffennaf ac NID ym mis Chwefror oherwydd nad yw marciau'n derfynol yr adeg honno.

Rhaglenni Ôl-raddedig mis Ionawr 2025: Yn achosgyfer myfyrwyr ôl-raddedig a ddechreuodd raglen Meistr ym mis Ionawr 2025, bydd y canlyniadau a ryddheir ar Mawrth 2026 yn ganlyniadau terfynol wedi'u cadarnhau ar gyfer eich rhaglen. Os ydych chi'n meddwl y gallai marc fod yn anghywir, gallwch ofyn am wiriad Cywirdeb Marciau a Gyhoeddwyd nawr, ymhen 10 niwrnod gwaith ar ôl dyddiad rhyddhau'r canlyniadau. Cyn cyflwyno cais, darllenwch yr wybodaeth isod.

Mae'r weithdrefn Cywirdeb Marciau a Gyhoeddwyd ar gael i'r holl fyfyrwyr sy'n teimlo y gallai un neu fwy o farciau eu modiwlau fod yn anghywir.

• Bydd y broses yn sicrhau bod y marciau sydd wedi'u cofnodi ar gyfer cydrannau asesu a'r modiwl ar y cyfan yn rhydd o wallau gweinyddol a/neu rifyddol e.e. bod y marciau wedi cael eu trosglwyddo i'r System Arholiadau yn gywir, bod y marciau wedi'u cyfrif yn gywir ar sgript arholiad etc.
• Nid yw’r weithdrefn yn ymwneud ag ailfarcio asesiadau, ac ni fydd ychwaith yn rhoi mwy o wybodaeth ynglŷn â’r rhesymau dros ddyfarnu marciau penodol.
• Sylwer y gall marciau modiwlau mynd i lawr yn ogystal â mynd i fyny ar ôl Cais am Wiriad Cywirdeb Marciau a Gyhoeddwyd.
• Rhaid i fyfyrwyr FSE gwblhau ffurflen Cais i Gadarnhau Cywirdeb Marciau a Gyhoeddwyd ar-lein ddim hwyrach na 10 diwrnod gwaith o ddyddiad rhyddhau eu canlyniadau (bydd y ffurflen hon ar agor ar gyfer cyflwyno ceisiadau o'r diwrnod y caiff y canlyniadau eu rhyddhau).
• Rhaid i fyfyrwyr FHSS a FMHLS gwblhau'r ffurflen safonol AR1TP-1-BI (pro-forma). Rhaid cyflwyno pob cais yn ysgrifenedig i'r Deon Gweithredol neu ei ddirprwy cyn gynted â phosibl ar ôl y Bwrdd Arholi perthnasol, ac o fewn 10 diwrnod i gael gwybod am benderfyniad y Bwrdd Arholi fan bellaf. Ceir rhagor o wybodaeth yma.
• Mae targed gan y gyfadran i ymateb ymhen 5 niwrnod gwaith er mwyn rhoi canlyniad. Fodd bynnag, sylwer ein bod yn ymdrin â nifer uchel o geisiadau ac efallai na fydd modd i ni fodloni'r targed hwn ym mhob achos.

Os oes gennych unrhyw gwestiynau am y broses, cysylltwch â The Hwb neu gweler cyfarwyddyd APM y Brifysgol.